Касцёл Святога Юзафа (Лунінец)

Касцёл Святога Юзафа
	Каталіцкі храм
Касцёл Святога Юзафа
	52°14′25″ пн. ш. 26°48′15″ у. д.HGЯO
Краіна	Беларусь
Месцазнаходжанне	Лунінец;
Канфесія	Каталіцызм
Епархія	Пінская дыяцэзія
Стан	дзейнічае
	Медыяфайлы на Вікісховішчы

Касцёл Святога Юзафа — мураваны каталіцкі храм у г. Лунінцы Брэсцкай вобласці.

Гісторыя[правіць | правіць зыходнік]

У 1931 годзе, біскуп Зыгмунт Лазінскі асвяціў у Лунінцы новы будынак касцёла парафіі Святога Юзафа. Касцёл быў кансакраваны 11 ліпеня 1935 года біскупам з Пінска Казімірам Букрабам. Больш як 15 святароў працавалі ў Лунінецкім касцёле Святога Юзафа да канчатковага закрыцця яго савецкімі ўладамі ў 1948 г^[1].

Будынак выкарыстоўвывалі ў якасці складаб потым быў адданы пад раённы Дом культуры: тут ладзіліся канцэрты і праводзіліся моладзевыя дыскатэкі. Вежу, якая надавала яму асаблівую прывабнасць была разбурына.

Калі пасля распаду СССР Дом культуры пераехаў у частку былога гаркама партыі, касцёл аддлалі веруючым ХВЕ. Аднак каталікі праз суд вярнулі будынак парафіі^[2].

Першая Імша адбылася ў будынку Лунінецкага касцёла 13 красавіка 1997 года.

Архітэктура[правіць | правіць зыходнік]

Помнік архітэктуры гістарызму з рысамі неакласіцызму і неаготыкі. Вырашаны працяглым прамавугольным у плане аб’ёмам пад двухсхільным дахам. 3 тыльнага боку далучана ніжэйшая пяцігранная апсіда пад вальмавым пакрыццём. Фасад завершаны трохвугольным франтонам, крапаваны пілястрамі на тры праслы, у цэнтральным з якіх прамавугольны ўваходны праём і акно-ружа над ім. Бакавыя фасады рытмічна расчлянёны прамавугольнымі аконнымі праёмамі з замковым каменем над перамычкамі і контрфорсамі ў прасценках^[3].