Касцёл Святых Пятра і Паўла (Бешанковічы)

Касцёл
Касцёл Святых Пятра і Паўла
55°02′49″ пн. ш. 29°27′09″ у. д.
Краіна	Беларусь
Гарадскі пасёлак	Бешанковічы
Канфесія	Рымска-каталіцкая царква
Епархія	Віцебская дыяцэзія
Благачынне	Лепельскі дэканат
Будаўніцтва	2011—2019 гады

Касцёл Святых Пятра і Паўла — мураваны каталіцкі храм у гарадскім пасёлку Бешанковічы Віцебскай вобласці. Знаходзіцца на вул. Энгельса, 11.

Гісторыя

Касцёл Святых Казіміра і Рафаіла (1913)

У 1650-м годзе Казімір Леў Сапега пабудаваў у паселішчы першы вядомы каталіцкі касцёл. У 1876 годзе на месцы старога драўлянага касцёла, пабудаванага ксяндзом Ляскоўскім на сродкі ксяндза Кярсноўскага, быў пабудаваны драўляны двухвежавы касцёл пад тытулам Святога Казіміра Каралевіча і Святога Арханёла Рафала. Храм меў чатыры алтары з абразамі Езуса Укрыжаванага, Найсвяцейшай панны Марыі і Святога Антонія. Драўляны касцёл быў разбураны камуністычнымі ўладамі.

Сучасная парафія ў Бешанковічах была зарэгістравана 10 жніўня 2000 года. 1 ліпеня 2011 года быў зацверджаны праект і распачата будаўніцтва.

2 кастрычніка 2011 года быў урачыста асвечаны і ўмараваны краевугольны камень. Урачыстасць узначаліў віцебскі біскуп Уладзіслаў Блін у саслужэнні пробашча кс. Славаміра Самковіча, канцлера віцебскай курыі кс. Аляксандра Дулінца, кс. Алега Буткевіча з Віцебска, кс. Андрэя Бульчака з Чашнікаў, дыякана Данілы Сваяка. Падчас набажэнства таксама быў умураваны, разам з каменем, эрэкцыйны акт.

29 чэрвеня 2019 года касцёл быў асвячоны біскупам віцебскім Алегам Буткевічам.

Пробашчы парафіі

• Казімір Гваздовіч
• Павел Самсонаў
• Славамір Самковіч
• Алег Буткевіч
• Аляксандр Півавар

Спасылкі

• Касцёл Святых Пятра і Паўла (Бешанковічы) на сайце Catholic.by (бел.)
• Касцёл Святых Пятра і Паўла (Бешанковічы) на сайце Глобус Беларусі (руск.)
• Бешанковічы — касцёл і каталіцкая парафія Святых Казіміра і Рафала Арханёла radzima.net