Весялова (Лепельскі раён)

Вёска Весялова Цэнтральная плошча Краіна Беларусь Вобласць Віцебская Раён Лепельскі Сельсавет Валосавіцкі Каардынаты 54°45′03″ пн. ш. 28°48′33″ у. д. Першая згадка 1926 Насельніцтва 29 чалавек (2019) Часавы пояс UTC+3 Тэлефонны код +375 2132 Паштовыя індэксы 211183 Аўтамабільны код 2 СААТА 2227804011 Весялова на карце Беларусі ±

Весяло́ва (трансліт.: Viesialova, руск.: Веселово) — вёска ў Лепельскім раёне Віцебскай вобласці. Уваходзіць у склад Валосавіцкага сельсавета.

Геаграфія

Знаходзіцца за 13,5 км на паўднёвы ўсход ад Лепеля, за 132 км ад Віцебска. Транспартная сувязь ажыццяўляецца па мясцовай дарозе праз Новыя Валосавічы і далей па аўтамабільнай дарозе Н2800 Лепель—Халопенічы. Праз вёску працякае рака Букавіца.

Гісторыя

Узнікла ў 1920-я гады праз калектывізацыю хутароў польскіх перасяленцаў, якія на пачатку XX ст. купілі навакольныя землі ў пана Рамуальда Зацвіліхоўскага. Назву атрымала ад калгаса імя Весялоўскага, названага ў гонар польскага рэвалюцыянера Браніслава Весялоўскага. У 1922 годзе адкрыта польская школа. У 1927—1937 гадах цэнтр Весялоўскага нацыянальнага польскага сельсавета.

У 1938 годзе заснаваны дзіцячы дом, які з перапынкам на 2-ю сусветную вайну праіснаваў да 1968 года. Пасля вайны адкрылася сямігадовая школа, узведзены буйны жывёлагадоўчы комплекс. У 1971 годзе ў будынку былога дзіцячага дома адкрылі ўчастковую бальніцу, пазней ператварылі яе ў урачэбную амбулаторыю, закрыта ў 2014 годзе.

Насельніцтва

• 1926 — 6 гаспадарак, 37 жыхароў
• 1997 — 40 гаспадарак, 76 жыхароў
• 2018 — 18 гаспадарак, 29 жыхароў

Славутасці

У вёсцы дзейнічае касцёл. Таксама на вясковых могілках знаходзіцца міжваенная драўляная каталіцкая капліца.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх