Кузня з Клочкава

З пляцоўкі Вікіпедыя
Jump to navigation Jump to search
Славутасць
Кузня з вёскі Клочкава
Строчыца. БДМНАБ. Кузня з в. Клочкава (02).jpg
53°49′45,80″ пн. ш. 27°22′20,69″ у. д.HGЯO
Краіна Беларусь
Месцазнаходжанне Клочкава (першапачаткова),
Беларускі дзяржаўны музей народнай архітэктуры і побыту
Тып будынка кузня
Архітэктурны стыль беларускае народнае дойлідства
Дата пабудовы 1919 год
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 612Г000390шыфр 612Г000390

Кузня пачатку XX стагоддзя з в. Клочкава Маладзечанскага раёна Мінскай вобласці. Перанесена ў Беларускі дзяржаўны музей народнай архітэктуры і побыту ў в. Азярцо[1], дзе прадстаўлена ў экспазіцыі «Цэнтральная Беларусь».

Гісторыя[правіць | правіць зыходнік]

План кузні

Пабудавана ў 1919 годзе Вялем Уладзімірам Антонавічам. Уладзімір Вяль нарадзіўся ў сям'і, дзе было шасцёра дзяцей. Зямлі на ўсіх не хапала, і бацька вырашыў навучаць сваіх малодшых сыноў рамяству. З 14 год Уладзімір Вяль вучыўся кавальству ў г. Смаргоні. У 1919 годзе на сямейнай радзе было вырашана пабудаваць сваю кузню. Яе паставілі каля дарогі на ўскрайку вёскі на спецыяльна выкупленым невялікім зямельным участку. Абсталяванне і інструменты набылі ў знаёмага каваля, мех і горан каваль зрабіў сам. Уладзімір Вяль працаваў на заказ, абслугоўваў вырабамі сваю і суседнія вёскі[2].

Архітэктура[правіць | правіць зыходнік]

Кузня ззаду
На заднім плане мех і горан, на пярэднім - дубовая калода з кавадлам

Кузня ўяўляе сабой невялікую зрубную пабудову, накрытую двухсхільнай цёсавай страхой з вільчыкавым бервяном. Франтон з дыляў, падлога земляная[1].

Абцугі і варштат з інструментамі

Унутранае абсталяванне кузні: злева размешчаны мех, па цэнтры — горан, справа пляцоўка для захоўвання драўніннага вуголля. Перад горанам стаіць дубовая калода з кавадлам. Для гартавання вырабаў выкарыстоўваюцца ночвы. Справа каля вакенца размешчаны слясарны варштат, на якім ляжаць інструменты і кавальскія вырабы. Побач з варштатам пастаўлена калода з вінтавымі абцугамі. Злева ад дзвярэй на сцяну прымацаваны свідравальны станок[2].

Зноскі

Спасылкі[правіць | правіць зыходнік]