Леў Міхайлавіч Шакун

З Вікіпедыі, свабоднай энцыклапедыі
Леў Міхайлавіч Шакун
Дата нараджэння 14 верасня 1926(1926-09-14)
Месца нараджэння
Дата смерці 6 лістапада 1996(1996-11-06)[1] (70 гадоў)
Грамадзянства
Род дзейнасці навуковец
Навуковая сфера мовазнаўства
Месца працы
Навуковая ступень доктар філалагічных навук (1966)
Навуковае званне
Альма-матар
Прэміі
Дзяржаўная прэмія БССР
Узнагароды
ордэн Айчыннай вайны II ступені медаль «Партызану Айчыннай вайны» медаль Францыска Скарыны
Ганаровая грамата Прэзідыума Вярхоўнага Савета БССР Заслужаны работнік вышэйшай школы БССР

Леў Міхайлавіч Шакун[2] (14 верасня 1926 — 6 лістапада 1996[3]) — вучоны ў галіне мовазнаўства, доктар філалагічных навук (1966), прафесар (1967). Заслужаны работнік вышэйшай школы БССР (1979).

Біяграфія[правіць | правіць зыходнік]

Нарадзіўся ў вёсцы Браткава (сучасны аграгарадок у Капыльскім раёне Мінскай вобласці Беларусі). У час Вялікай Айчыннай вайны з кастрычніка 1942 па 20 ліпеня 1944 года ў партызанах, баец штаба 27-й партызанскай брыгады імя В. І. Чапаева[4]. У 1950 годзе скончыў філалагічны факультэт Беларускага дзяржаўнага ўніверсітэта, у 1953 годзе — аспірантуру. З 1953 года працаваў у Беларускім дзяржаўным універсітэце на кафедры беларускай мовы філалагічнага факультэта, пасаду загадчыка якой займаў у 1966—1992 гадах.

Навуковая дзейнасць[правіць | правіць зыходнік]

Займаўся даследаваннем гісторыі і праблем развіцця беларускай літаратурнай мовы, словаўтварэння, праблем выкладання беларускай мовы ў вышэйшых навучальных установах. Вывучаў гісторыю беларускага мовазнаўства.

Сярод апублікаваных прац:

  • Станаўленне і развіццё беларускай літаратурнай мовы (1959);
  • Нарысы гісторыі беларускай літаратурнай мовы (1960);
  • Марфемны слоўнік беларускай мовы (1975, 2-е выданне 1985, разам з А. М. Багдановічам);
  • Словаўтварэнне (Мінск: Вышэйшая школа, 1978);
  • Гісторыя беларускага мовазнаўства (1995).

Узнагароды[правіць | правіць зыходнік]

Зноскі

Літаратура[правіць | правіць зыходнік]

  • Шакун Леў Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 763. — 800 с. — 5 000 экз. — ISBN 985-11-0026-9.
  • Шакун Леў Міхайлавіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 285. — 10 000 экз. — ISBN 985-11-0035-8. — ISBN 985-11-0188-5 (т. 11).
  • Памяць і слава: Леў Міхайлавіч Шакун. Да 90-годдзя з дня нараджэння / Беларускі дзяржаўны ўніверсітэт, Прыгодзіч, М. Р. — Мн.: БДУ, 2016. — 214 с., (7) л. іл.

Спасылкі[правіць | правіць зыходнік]