АвтоВАЗ

З пляцоўкі Вікіпедыя
Jump to navigation Jump to search
АвтоВАЗ
AvtoVAZ administration building-5389.JPG
Тып акцыянернае таварыства
Лістынг на біржы Маскоўская біржа[d][1]
Заснаванне 1966
Заснавальнікі ЦК КПСС і Савет міністраў СССР
Размяшчэнне
Галіна аўтамабільная прамысловасць[d]
Прадукцыя легкавы аўтамабіль
Аперацыйны прыбытак
  • 256 900 000 000 ₽ (2020)
Чысты прыбытак
  • 741 700 000 ₽ (2020)
Колькасць супрацоўнікаў
Матчына кампанія Растэх[d] і Renault–Nissan–Mitsubishi Alliance[d]
Даччыныя кампаніі Лада і Lada Zapad Tolyatti[d]
Сайт lada.ru(руск.) 
lada.ru/en/(англ.) 

ААТ «АвтоВА́З» (бел.: «АўтаВА́З») — расійская аўтамабілебудаўнічая кампанія, буйнейшы вытворца легкавых аўтамабіляў у Расіі і Усходняй Еўропе. Штаб-кватэра і асноўная вытворчасць знаходзіцца у горадзе Тальяці Самарскай вобласці.

Поўная афіцыйная назва — Адкрытае акцыянернае таварыства «АўтаВАЗ». Папярэднія назвы — Волжский автомобильный завод (бел.: Волжскі аўтамабільны завод) (ВАЗ) (1966—1971), Волжское объединение по изготовлению легковых автомобилей «АвтоВАЗ» (бел.: Волжскае аб'яднанне па вытворчасці легкавых аўтамабіляў «АўтаВАЗ») (з 1971). Загадам Прэзідыума Вярхоўнага Савета РСФСР у 1972 годзе Волжскаму аўтазаводу прысвоена імя 50-годдзя СССР.

Раней выпускаў аўтамабілі маркі ВАЗ з найменнямі «Жыгулі», «Ніва», «Спутнік»/«Самара» (2108, 2109, 21099), «Ака». Цяпер вырабляе аўтамабілі пад ўласнай гандлёвай маркай Lada («Лада»), а таксама аўтамабілі маркі Renault. Апроч гэтага АўтаВАЗ пастаўляе іншым вытворцам машынакамплекты для зборкі аўтамабіляў маркі «Lada» і іх мадыфікацый.

Вытворчыя пляцоўкі[правіць | правіць зыходнік]

Вытворчасць аўтамабіляў вядзецца на пляцоўках ў Тальяці («ЗКВ Каліна», «B0», «ЗКВ 4х4», «Лада Захад Тальяці») і ў Іжэўску («Lada Іжэўск»).

Зборачна-кузаўная вытворчасць Kalina[правіць | правіць зыходнік]

Выпускаюцца аўтамабілі на платформе Lada Kalina — уласна Lada Kalina (20042018), Lada Granta2011 года), а таксама Datsun on-DO і Datsun mi-DO (20142020)[2].

B0[правіць | правіць зыходнік]

B0 — гэта аўтамабільная платформа, якая выкарыстоўваецца ў аўтамабілях B-класа марак Nissan, Renault і Lada. На гэтай лініі выпускаюцца сямействы аўтамабіляў Lada XRAY, Lada Largus, Renault Logan, Renault Sandero[3].

Трэцяя нітка галоўнага канвеера[правіць | правіць зыходнік]

На трэцяй нітцы галоўнага канвеера месціцца зборачна-кузаўная вытворчасць 4х4. Тут выпускаюцца аўтамабілі сямейства «Ніва»[4]. Магутнасць 300 тысяч машын у год.

У 2014 годзе лінію мадэрнізавалі ў адпаведнасці з патрабаваннямі вытворчай сістэмы AIMS (Alliance Integrated Manufacturing System) альянсу Renault-Nissan, каб запусціць тут вытворчасць Lada Vesta. Але ў выніку выпуск Весты пачалі ў Іжэўску, а на трэцюю нітку перанеслі зборку Lada Priora.

Ад пачатку выпуску ў 1977 годзе Ніва 2121 выраблялася ў асобным корпусе, не звязаным з іншымі канвеерамі (корпус №62). У 2016 годзе зборку перанеслі на трэцюю нітку, дзе выпускалася Lada Priora[5]. На лета 2021 года плануецца перанос на гэтую лінію мадэлі Lada Niva Travel[6].

LADA Захад Тальяці[правіць | правіць зыходнік]

У 1998 годзе на Маскоўскім аўтасалоне адбылася афіцыйная прэм'ера новай «Нівы» ВАЗ-2123. Была пачата дробнасерыйная зборка машыны па абыходных тэхналогіях у доследна-прамысловай вытворчасці, аднак з прычыны эканамічнага крызісу ў завода не было рэсурсаў на запуск паўнавартаснай серыйнай вытворчасці навінкі і таму паралельна вёўся пошук стратэгічнага інвестара. У выніку цікавасць да мадэлі праявіла карпарацыя General Motors. 27 чэрвеня 2001 года прадстаўнікі General Motors, АўтаВАЗа і Еўрапейскага банка рэканструкцыі і развіцця падпісалі пагадненне аб стварэнні сумеснага прадпрыемства GM-AvtoVAZ. Кожны бок унёс сваю долю ў СП: АўтаВАЗ (41,61% акцый) — інтэлектуальная ўласнасць (ліцэнзія на мадэль ВАЗ-2123 і гандлёвая марка «Ніва»); «Джэнерал мотарс» (41,61%) — абсталяванне для вытворчасці і тэхналогіі; ЕБРР (16,78%, пазней выйшаў са складу акцыянераў) — грошы для пабудовы завода і запуску вытворчасці. Будаўніцтва завода было хутка завершана, і ўжо 23 верасня 2002 года з канвеера сышоў першы аўтамабіль Chevrolet Niva.

У снежні 2019 года АўтаВАЗ выкупіў долю GM у сумесным прадпрыемстве і ў выніку стаў адзіным уладальнікам СП «GM-АўтаВАЗ»[7]. Пасля пераназвана ў АТ «Лада Захад Тальяці».

Вытворчыя магутнасці прадпрыемства ўключаюць цэх афарбоўкі, цэх зборкі і дапаможныя цэхі, а таксама экспедыцыю (падрыхтоўка да адгрузкі аўтамабіляў) і адміністрацыйны корпус. Агульная тэрыторыя складае больш за 137 тысяч квадратных метраў. У вытворчасці задзейнічана больш 1984 адзінак тэхналагічнага абсталявання. Агульная працягласць канвеернай лініі — 481 метр[8].

Станам на 2021 год на пляцоўцы вырабляецца пазадарожнік Lada Niva Travel. Улетку 2021 года плануецца перанос вытворчасці гэтай мадэлі на трэцюю нітку галоўнага канвеера, пасля пераносу завод «Лада Захад Тальяці» будзе закансерваваны[6].

LADA Іжэўск[правіць | правіць зыходнік]

У 2011 годзе у склад групы АўтаВАЗ увайшоў Іжэўскі аўтазавод. У маі 2014 года на заводзе стартавала вытворчасць ліфтбекаў Lada Granta, у жніўні 2014 года з канвеера сышлі першыя аўтамабілі Nissan. У верасні 2015 года пачаўся выпуск Lada Vesta.

У 2017 годзе Іжэўскі аўтазавод быў перайменаваны ў ТАА «Лада Іжэўскі Аўтамабільны Завод» (скарочана ТАА «Лада Іжэўск»)[9].

ВІС-Аўта[правіць | правіць зыходнік]

«ВІС-Аўта» — даччынае прадпрыемства па вытворчасці лёгкіх камерцыйных аўтамабіляў і ўсюдыходаў на базе аўтамабіляў Lada. Утворана ў 2012 годзе шляхам аб'яднання даччыных структур «Бронта» і «ВАЗІНТЭРСЕРВІС».

Вытворчыя і складскія памяшканні складаюць 9440 м². Прадпрыемства вырабляе звыш 3500 машын у год. Станам на 2021 год выпускае фургоны і пікапы на базе Lada Granta і Lada Largus, а таксама пазадарожнікі і ўсюдыходы пад маркай «Бронта» на базе Lada 4x4[10].

Зноскі

  1. http://moex.com/en/issue.aspx?board=EQNL&code=AVAZ
  2. Производство АВТОВАЗа. Выпуск автомобилей Lada Granta и Datsun (руск.) . лада.онлайн (6 лютага 2020). Праверана 14 красавіка 2021.
  3. Производство АВТОВАЗа. Выпуск автомобилей на платформе B0 (руск.) . лада.онлайн (4 лютага 2020). Праверана 14 красавіка 2021.
  4. Где и как собирают Lada Niva Legend (руск.) . лада.онлайн (8 красавіка 2021). Праверана 14 красавіка 2021.
  5. АвтоВАЗ переносит сборку Лады 4х4 на другой конвейер (руск.) . autoreview.ru (29 лістапада 2016). Праверана 14 красавіка 2021.
  6. 6,0 6,1 Нивы Travel и Legend будут выпускать на одном конвейере (руск.) . autoreview.ru (30 красавіка 2020). Праверана 30 красавіка 2021.
  7. АВТОВАЗ приобретает долю GM в совместном предприятии GM-АВТОВАЗ (руск.) . lada.ru (9 снежня 2019). Праверана 14 красавіка 2021.
  8. Будем знакомы: ЛАДА Запад Тольятти (руск.) . na-zavode.ru (17 сакавіка 2021). Праверана 14 красавіка 2021.
  9. Будем знакомы: LADA ИЖЕВСК (руск.) . na-zavode.ru (31 сакавіка 2021). Праверана 14 красавіка 2021.
  10. АВТОВАЗ рассказал про свое дочернее предприятие «ВИС-Авто» (руск.) . лада.онлайн (4 лютага 2021). Праверана 14 красавіка 2021.

Спасылкі[правіць | правіць зыходнік]

Гл. таксама[правіць | правіць зыходнік]