Майскі вальс (фестываль)

З пляцоўкі Вікіпедыя
Jump to navigation Jump to search
Рэгіянальны фестываль песні і музыкі «Майскі вальс» на прыз народнага артыста Беларусі Ігара Лучанка
Месца(ы) правядзення Сцяг Беларусі Беларусь Мар’іна Горка

Рэгіянальны фестываль песні і музыкі «Майскі вальс» — штогадовы беларускі музычны фестываль песні і музыкі на прыз народнага артыста Беларусі Ігара Лучанка. I рэгіянальны фестываль адбыўся 12-13 мая 2012 года на сцэна раённага цэнтра культуры г. Мар’іна Горка Пухавіцкага раёна Мінскай вобласці.

Назва[правіць | правіць зыходнік]

Сваю назву фестываль атрымаў ад аднаімённай песні, напісаная кампазітарам Ігарам Лучанком і паэтам Міхаілам Ясенем, упершыню прагучала ў 1985 годзе. Яе выканаў народны артыст Беларусі Яраслаў Еўдакімаў на Усесаюзным тэлефестывалі «Песня года».

Пра фэст[правіць | правіць зыходнік]

Яго заснавальнікамі з’яўляюцца Пухавіцкі райвыканкам і Саюз кампазітараў Рэспублікі Беларусь.

Кожны з заяўленых удзельнікаў — творчы калектыў альбо асобны выканаўца — павінен прадставіць на суд журы два творы, адзін з якіх — Ігара Лучанка.

Гісторыя[правіць | правіць зыходнік]

2012[правіць | правіць зыходнік]

I рэгіянальны фестываль. Дата: 12-13 мая . Месца правядзення фестывалю - сцэна раённага цэнтра культуры г. Мар’іна Горка.

Фестываль наведаў віцэ-прэм'ер Анатоль Тозік. Госцем форуму стаў таксама і міністр абароны Юрый Жадобін. Журы ўзначаліў кампазітар, народны артыст Беларусі Валерый Іваноў, а заснавальнікамі "Майскага вальса" выступілі Пухавіцкі райвыканкам і Беларускі саюз кампазітараў, які ўзначальвае Ігар Міхайлавіч.

Гран-пры атрымаў народны вакальны ансамбль "Рэтра" з Бярэзінскага раёна, спецыяльны прыз Ігара Лучанка - Ягор Жалук, саліст Цэнтра творчасці дзяцей і моладзі "Світанак" Пухавіцкага раёна. Першыя месцы занялі: у намінацыі "За высокі ўзровень выканальніцкага мастацтва і творчы ўклад у развіццё песеннай і музычнай культуры" - узорны хор "Мара" Мар'інагорскай ДШМ і Ганна Салаўянчык з Дружненскай ДШМ (Пухавіцкі раён), у намінацыі "За высокі ўзровень выканальніцкага мастацтва і прапаганду песеннага і музычнага мастацтва" - народны ансамбль народных інструментаў "Крыніца" Мар'інагорскай ДШМ.

У другі фестывальны дзень ля РЦК прайшоў канцэрт з удзелам пераможцаў конкурсу і аркестра Узброеных Сіл. Выступілі і артысты беларускай эстрады.[1]

2013[правіць | правіць зыходнік]

Дата: 10-11 мая. Месца правядзення фестывалю - сцэна раённага цэнтра культуры г. Мар’іна Горка.[2]

2014[правіць | правіць зыходнік]

Дата: 17 мая. Месца правядзення фестывалю - сцэна раённага цэнтра культуры г. Мар’іна Горка.

У фестывалі прынялі ўдзел народныя калектывы і асобныя выканаўцы.[3]

2016[правіць | правіць зыходнік]

Месца правядзення фестывалю - сцэна раённага цэнтра культуры г. Мар’іна Горка.

Сваё майстэрства прадэманстравалі 27 выканаўцаў і творчых калектываў з Мінскай, Магілёўскай, Гомельскай абласцей нашай краіны, горада Масквы. Такім чынам, фестываль выйшаў за межы рэгіянальнага. Пухавіцкі раён прадстаўляла самая вялікая каманда артыстаў, у ліку якіх былі як дарослыя, так і дзеці.

Ацэньвала выступленне канкурсантаў прадстаўнічае журы на чале з Ігарам Міхайлавічам Лучанком. Яго намеснікам была Стэла Іванова — кіраўнік народнага жаночага хору Пухавіцкага раённага цэнтра культуры.[4]

Зноскі

Спасылкі[правіць | правіць зыходнік]