Школа № 2 (Мар’іна Горка)

Школа № 2
Заснавана	1915
Тып	школа
Сайт	school2gorka.edu.minsregion.by

Дзяржаўная ўстанова адукацыі «Сярэдняя школа № 2 г. Мар’іна Горка» — установа сярэдняй адукацыі ў г. Мар’іна Горка Пухавіцкага раёна Мінскай вобласці.

Гісторыя

Пачатковая школа ў 1915 г., знаходзілася на месцы цяперашняга кінатэатра «Кастрычнік».

Школа, 1948. Да вайны ў гэтым будынку знаходзіўся райсабес і суд.

У 1915 годзе па шматлікіх просьбах чыгуначнікаў Лібава-Роменскай чыгункі ў Мар’інай Горцы была адчынена пачатковая школа. У пабудаванай школе вучылася 20 чалавек.

У 1921 годзе школа была перайменавана ў чыгуначную 2-й ступені з рускай мовай навучання, дзе было толькі 5 класаў.

У 1933 годзе школа пачала працаваць у новым будынку, пабудаваным на месцы цяперашняй школы. Будынак ўяўлял сабою літару П.

Падчас Другой сусветнай вайны ў 1943 годзе будынак школы згарэў. Пасля вайны ў 1944 годзе школа пачала працаваць ў былым будынку райсабеса і суда.

У 1959 годзе школа перайшла ў новы трохпавярховы будынак.

У 1983 годзе да будынка школы была зроблена прыбудова навучальнага корпуса з актавай і спартовай залай, сталовай, стралковым цірам, швейнай майстэрняй .

Вядомыя выпускнікі

З 2-га па 5-ы класы вучыўся Ігар Лучанок, беларускі кампазітар і педагог.

• Анатоль Вольны, беларускі паэт, празаік, журналіст, драматург

Настаўніцкі калектыў

• Зінаіда Антонаўна Астаповіч-Бачарова — беларускі мастак
• Міхаіл Васілевіч Аляксейчык — беларускі дзяржаўны дзеяч, консул Рэспублікі Беларусь у Польшчы (2007—2010)

Дырэктары школы

• Васіль Рыгоравіч Андрук, 7 снежня 1921—1930.
• Клаўдзія Іванаўна Сафронава (Суталкіна), 1936—1938
• Міхал Лабус, 1938—1941
• Мікіта Раманавіч Маргелаў, 1944—1945
• Аляксандр Епіфанавіч Карабцоў, 1945—1949
• Віктар Сцяпанавіч Тарашкевіч, 1949—1951
• Валянціна Мікіцічна Марчанка, 1953—1959
• Вера Рыгораўна Іванова, 1959—1974
• Сяргей Мікалаевіч Сяргееў, 1974—1994.
• Алена Іванаўна Власіхіна .
• Дзіна Мікалаеўна Паўлава, 1994.

Спасылкі

• Нам засталася спадчына…(недаступная спасылка) // Мінская абласная арганізацыя Беларускага прафесійнага звязу, 31 сакавіка 2016