Марыс Янсанс

Марыс Янсанс Mariss Jansons
Асноўная інфармацыя
Дата нараджэння	14 студзеня 1943(1943-01-14) (76 гадоў)
Месца нараджэння	Рыга
Краіна	СССР Расія Латвія
Бацька:	Арвідс Янсанс
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава Венскі ўніверсітэт музыкі і выканальніцкага мастацтва
Месца працы	Каралеўскі аркестр Кансертгебау Bavarian Radio Symphony Orchestra[d]
Музычная дзейнасць
Прафесіі	дырыжор, педагог
Інструменты	фартэпіяна і арган
Грамадская дзейнасць
Член у	Венскі філарманічны аркестр[d]
Узнагароды
Выявы на Вікісховішчы

Ма́рыс Я́нсанс (Mariss Jansons) (14 студзеня 1943) — латвійскі савецкі і расійскі дырыжор.

Біяграфія

Сын дырыжoра Арвідса Янсанса. Яго матуля, спявачка Іраіда Янсонэ, яўрэйка з паходжання, нарадзіла яго ў Рызе, Латвія, пасля таго, як яе бацька і брат былі забіты ў Рыжскім гета. У 1956 годзе Янсанс паступіў у Ленінградскую кансерваторыю, дзе навучаўся ігры на фартэпіяна і дырыжыравання. У 1969 годзе працягваў навучанне ў Вене ў Ганса Свароўскага і ў Зальцбургу ў Герберта фон Караяна. У 1973 Янсанс быў прызначаны другім дырыжoрам Ленінградскага філарманічнага аркестра (сёння Санкт-Пецярбургскі філарманічны аркестр). З 1979 да 2000 года быў галоўным дырыжoрам Філарманічнага аркестра ў Осла, Нарвегія.

У красавіку 1996 года ў Осла Янсанс ледзь не памёр ад інфаркту міякарда падчас прадстаўлення оперы Багема Джакама Пучыні. Акрамя нарвежскага аркестра ў розны час кіраваў таксама Лонданскім сімфанічным аркестрам, Пітсбургскім сімфанічным аркестрам і Сімфанічным аркестрам Баварскага радыё.

З 1 верасня 2004 года Янсанс з'яўляецца шостым па ліку галоўным дырыжoрам Каралеўскага аркестра Кансертгебау ў Амстэрдаме, яго папярэднікам быў Рыкарда Шаі.

У 2006 годзе дырыжыраваў навагоднім канцэртам у Вене. У канцэртным сезоне 2005—2006 прадырыжыраваў цыклам канцэртаў, прысвечаных стагоддзю Шастаковіча.

Спасылкі

• Каралеўскі аркестр Кансертгебау (па-нідэрландску і па-англійску)
• Філарманічны аркестр у Осла (па-нарвежску і па-англійску)