Марыя Калас

Марыя Калас Maria Callas
Асноўная інфармацыя
Поўнае імя	Сесілія Сафія Ганна Марыя Калагеропулас
Дата нараджэння	2 снежня 1923(1923-12-02)[…]
Месца нараджэння	Манхэтэн, Нью-Ёрк, Нью-Ёрк, ЗША
Дата смерці	16 верасня 1977(1977-09-16)[…] (53 гады)
Месца смерці	Парыж
Месца пахавання	Эгейскае мора
Краіна	ЗША
Муж:	Giovanni Battista Meneghini[d]
Альма-матар	Афінская кансерваторыя[d]
Месца працы	Джульярдская школа
Музычная дзейнасць
Прафесіі	оперная спявачка, спявачка, актрыса
Пеўчы голас	dramatic coloratura soprano[d]
Інструменты	голас
Калектывы	Метраполітэн-опера Ла Скала
Лэйблы	EMI
Узнагароды	Grammy Lifetime Achievement Award[d] (2007)
D I V I N A
Выявы на Вікісховішчы

Марыя Калас (англ.: Maria Callas, імя ў пасведчанні аб нараджэнні Сафія Сесілія Калас, англ. Sophia Cecelia Kalos, хроснае імя Сесілія Сафія Ганна Марыя Калагеропулас грэч. Μαρία Καλογεροπούλου; 2/4 снежня 1923, Манхэтэн, Нью-Ёрк, ЗША — 16 верасня 1977, Парыж, Францыя) — амерыканская оперная спявачка (драматычнае сапрана), адна з найвялікшых оперных спявачак XX стагоддзя.

Біяграфія

Нарадзілася 2 (4) снежня 1923 года ў Нью-Ёрку (ЗША) у сям'і грэчаскіх эмігрантаў.

Вучылася ў Афінскай кансерваторыі. Дэбютавала ў Афінах (1938). 3 1950 салістка буйнейшых оперных тэатраў свету «Ла Скала» (Мілан), «Ковент-Гардэн» (Лондан), опернага тэатра Чыкага, «Метраполітэн-опера» (Нью-Ёрк).

Валодала голасам вялікага дыяпазону, выключным артыстызмам, майстэрствам бельканта. Сярод партый: Медэя («Медэя» Л. Керубіні), Лючыя, Ганна Балейн («Лючыя ды Ламермур», «Ганна Балейн» Г. Даніцэці), Норма, Аміна, Імагена («Норма», «Самнамбула», «Пірат» В. Беліні), Віялета («Травіята» Дж. Вердзі), Тоска, Чыо-Чыосан (аднайм. оперы Дж. Пучыні), Разіна («Севільскі цырульнік» Дж. Расіні, Кармэн («Кармэн» Ж. Бізэ).

Марыя Калас не абмяжоўвалася віртуознымі каларатурамі ў операх, а ператварыла свой голас у галоўны выразны сродак. Яна стала ўніверсальнай спявачкай з рэпертуарам ад класічных опер-серыя тыпу «Вясталкі» Спанціні да апошніх опер Вердзі, верысцкіх опер Пучыні і музычных драм Вагнера.

Здымалася ў кіно («Медэя», 1969), займалася рэжысёрскай дзейнасцю.

Памерла 16 верасня 1977 года ў Парыжы.

Ушанаванне памяці

• 3 1982 года ў Афінах праводзіцца Міжнародны конкурс вакалістаў імя Марыі Калас.

Літаратура

• БЭ ў 18 тамах. Т.7, Мн., 1999
• Ardoin John, THE CALLAS LEGACY. Seribner-New York.
• Remy Pierre-Jean, CALLAS — UNE VIE. Editions Ramsay — Parigi.
• Jellinek George, CALLAS-PORTRAIT OF A PRIMA DONNA. Ziff Davis-New York.
• Юрген Кестинг. Мария Каллас. — Москва, Аграф, 2001.

Спасылкі

• Запісы Марыі Калас
• Фатаграфіі
• Біяграфія і запісы опер
• Радыёперадачы (2) «Марыя Калас» цыклу М. Малькова «З калекцыі рэдкіх запісаў» (руск.)