Масквіч-408

Масквіч-408

Масквіч-408 на Вікісховішчы

Агульныя даныя

Вытворца:

МЗМА / АЗЛК

Выпуск:

1964—1976

Зборка:

СССР, Бельгія

Клас:

малы II групы

Дызайн

Тып(ы) кузавы:

4‑дзв. седан (5‑месн.)

Рухавікі

МЗМА-408

Трансмісія

4-хуткасная ручная

Характарыстыкі

Масава-габарытныя

Даўжыня:

4090 мм

Шырыня:

1550 мм

Вышыня:

1480 мм

Колавая база:

2400 мм

Маса:

990 кг

На рынку

Папярэднік Папярэднік Масквіч-407

Пераемнік Пераемнік Масквіч-412

Іншае

Аб'ём бака:

46 л

Масквіч-408 — савецкі заднепрывадны аўтамабіль II групы малога класа з кузавам тыпу «чатырохдзверны седан». Існавалі звязаныя мадэлі з кузавамі «пяцідзверны ўніверсал» — «Масквіч-426», і фургон — «Масквіч-433», а таксама шматлікія мадыфікацыі.

Выпускаўся ў Маскве на заводзе МЗМА (пазней АЗЛК) са жніўня-верасня 1964 года па снежань 1975 года. З 1964 па 1967 год ён быў асноўнай мадэллю завода, пасля чаго яго змяніў у гэтай ролі «Масквіч-412», хоць і пасля гэтага яны яшчэ доўга выпускаліся паралельна. Таксама ён выпускаўся ў Іжэўску з 1966 па 1967 год, там было сабрана толькі каля 4000 аўтамабіляў гэтай мадэлі, пасля чаго Іжэўскі завод, у адрозненне ад МЗМА-АЗЛК, цалкам перайшоў на выпуск мадэрнізаванай мадэлі «Масквіч-412».

Мадыфікацыі

Базавай мадэлі

Універсал Масквіч-426

• Масквіч-408 — базавы седан (1964—1976)
• Масквіч-408Э — экспартны седан з двухфарным абліцоўваннем радыятара, які адпавядаў еўрапейскім нормам бяспекі
• Масквіч-408И — экспартны седан с чатырохфарным абліцоўваннем радыятара, які адпавядаў еўрапейскім нормам бяспекі
• Масквіч-408ИЭ — экспартны седан, позні М-408 у кузаве М-412, які адпавядаў еўрапейскім нормам бяспекі
• Масквіч-408П — экспартны седан з правабаковым размяшчэннем руля, які адпавядаў еўрапейскім нормам бяспекі
• Масквіч-408Ю — экспартны седан для краін са спякотным кліматам
• Масквіч-408К — экспартны машынакамплекта для буйнавузлавой зборкі седана
• Масквіч-408М — седан медслужбы
• Масквіч-408Т — седан таксі
• Масквіч-408Б — седан з ручным кіраваннем
• Масквіч-408У — вучэбны седан з дадатковымі педалямі і рулём

Акрамя таго, да 1969 года існавалі два варыянты афармлення перадка аўтамабіля: з двума круглымі фарамі вялікага дыяметра або з чатырма меншага. Апошні часцей сустракаўся на аўтамабілях, якія пастаўляліся на экспарт, але выкарыстоўваўся не толькі на іх.

Пасля 1969 года таксама існавалі два варыянты афармлення перадка - з рашоткай у дробную і ў буйную клетку, прычым другі таксама часцей сустракаўся на экспартных аўтамабілях, чым на выпушчаных для ўнутранага рынку.

Спасылкі

• На Вікісховішчы ёсць медыяфайлы па тэме Масквіч-408