Hyundai Motor Company

З Вікіпедыі, свабоднай энцыклапедыі
Hyundai Motor Company
кар.: 현대자동차
Тып публічная кампанія
Лістынг на біржы Korean Stock Exchange[d], Лонданская фондавая біржа[1] і NASDAQ
Заснаванне 1967[2]
Заснавальнікі Jeong Ju-yung[d]
Размяшчэнне
Галіна аўтамабільная прамысловасць[3]
Прадукцыя грузавы аўтамабіль і аўтамабіль
Матчына кампанія Hyundai[d] і Hyundai Motor Group[d]
Даччыныя кампаніі Hyundai Motor India Limited[d][3], Hyundai Motor Manufacturing Alabama[d][3], Hyundai Capital[d][3], Hyundai Card[d][3], Hyundai Rotem[d][3], Hyundai Motor America[d][3], Hyundai Motor Manufacturing Czech[d][3], Hyundai Motor Europe GmbH[d][3], Hyundai Assan Otomotiv[d][3], Hyundai Dymos[d], Boston Dynamics[d], Hyundai N[d] і Ioniq
Сайт hyundai.com

Hyundai Motor Company (Хёндэ; па-карэйску: 현대자동차 주식회사, KSE:005380, LSE: HYUD) — найбуйнейшы аўтавытворца ў Паўднёвай Карэі і сёмы ў свеце.

Кампанія ўваходзіць у Hyundai Kia Automotive Group.

Назва[правіць | правіць зыходнік]

Hyundai (кар. 현대, 現代) азначае «сучаснасць». Правільная транскрыпцыя — Хёндэ. Часта сустракаюцца таксама хібныя напісанні «Хюндай», «Хендай», «Хундай».

Гісторыя[правіць | правіць зыходнік]

Заснаваная ў 1967 годзе, уваходзіла ў склад (чэболь) Hyundai, з якога была вылучаная ў 2003 годзе. У 1998 годзе Hyundai паглынула карэйскую аўтамабілебудаўнічую кампанію Kia Motors. У 2000 годзе кампанія склала стратэгічны альянс з DaimlerChrysler.

Вытворчыя пляцоўкі[правіць | правіць зыходнік]

У Паўднёвай Карэі[правіць | правіць зыходнік]

Ва Ульсане — найбуйнейшы вытворчы комплекс у Паўднёвай Карэі і трэці па велічыні ў свеце[4].

Комплекс складаецца з 5 заводаў, здольных вырабляць большасць кампанентаў (ад ліцейнага да завода па вытворчасці рухавікоў), і займае плошчу звыш 5 мільёнаў квадратных метраў. Таксама ўключае выпрабавальны палігон. Для лагістыкі мае ўласны прычал, адкуль аўтамабілі адпраўляюцца на рынкі па ўсім свеце. Усяго ва Ульсане можа выпускацца каля 1,53 мільёна аўтамабіляў у год.

Завод працуе з 1968 года, калі пачалася вытворчасць аўтамабіляў Ford па ліцэнзіі. У 1975 годзе з канвеера сышоў першы самастойны аўтамабіль маркі — Hyundai Pony.

Дата пабудовы 1968
Лакацыя Ульсан, Паўднёвая Карэя
Агульная плошча 5 050 000 кв. м.
Колькасць супрацоўнікаў 34 000
Вытворчая магутнасць 1 530 000 машын у год
Прадукцыя Genesis, Ioniq

У ЗША[правіць | правіць зыходнік]

Завод Hyundai Motor Manufacturing Alabama размешчаны недалёка ад горада Мантгомеры (штат Алабама, ЗША). Вытворчасць пачалася ў маі 2005 года з выпуску седанаў Sonata. У далейшым у вытворчую праграму дадаліся пазадарожнік Santa Fe і кампактная Elantra, а з лета 2021 года — Tucson і пікап Santa Cruz[5].

27 ліпеня 2021 года на заводзе быў выраблены 5-мільённы аўтамабіль, юбілейным стаў Hyundai Santa Cruz[6].

Пачатак дзейнасці 2005
Лакацыя Мантгомеры, Алабама, ЗША
Агульная плошча 7 мільёнаў кв. м., з якіх забудова 316 000 кв. м.
Колькасць супрацоўнікаў >3000
Вытворчая магутнасць 400 000 машын і 700 000 рухавікоў у год
Прадукцыя Hyundai Elantra, Santa Fe, Tucson, Santa Cruz

У Чэхіі[правіць | правіць зыходнік]

Hyundai Motor Manufacturing Czech

Hyundai Motor Manufacturing Czech — адзіны завод маркі ў Еўрапейскім Саюзе. Размешчаны ў Нашовіцах (Чэхія). Пабудова пачалася ў 2007 годзе. Вытворчасць пачалася ў лістападзе 2008 года. На заводзе працуе больш за 3100 супрацоўнікаў, выпускаецца да 1400 аўтамабіляў штодзень.

У 2013 годзе з канвеера сышоў мільённы аўтамабіль выраблены на заводзе HMMC, двухмільённы — у 2016, трохмільённы — у 2019 годзе.

У 2021 годзе выраблена 275 тысяч аўтамабіляў. 70% вытворчасці склала мадэль Tucson, 20% — i30, 2% — i30N і 8% прыпала на электрамабіль Kona Electric[7].

14 лістапада 2022 года выпусцілі чатырохмільённы аўтамабіль. Юбілейным стаў красовер Hyundai Tucson N Line[8].

У Бразіліі[правіць | правіць зыходнік]

У верасні 2012 года пачаў дзейнасць завод Hyundai Motor Brasil у Пірасікабе (штат Сан-Паўлу). Таксама тут размешчаны цэнтр распрацоўкі (з 2015 года) і завод вытворчасці рухавікоў (з 2022 года). Прадпрыемства працуе ў тры змены. Выпускае 42 аўтамабілі ў гадзіну. Вытворчая магутнасць — 210 тысяч машын у год.

У 2018 годзе фабрыка выпусціла мільённы аўтамабіль.

У кастрычніку 2023 года выраблены 2-мільённы аўтамабіль. З гэтага ліку, машыны сямейства HB20 складаюць 1 млн. 600 тыс. адзінак, яшчэ 400 тыс. — красоверы Creta. 1 млн 940 тыс. штук прададзены ў Бразіліі, 60 тыс. машын пастаўленыя на экспарт у суседнія краіны (Аргенціна, Калумбія, Мексіка, Парагвай і Уругвай)[9].

У Інданезіі[правіць | правіць зыходнік]

16 сакавіка 2022 года быў адкрыты Hyundai Motor Manufacturing Indonesia (Цыкаранг, правінцыя Заходняя Ява), які стаў першым заводам маркі ў Паўднёва-Усходняй Азіі. Размешчаны ў прамысловым комплексе Дэльтамас, прыкладна за 40 км на ўсход ад Джакарты. Мае вытворчую магутнасць 150 тысяч аўтамабіляў у год. Выпускае электрамабілі Hyundai Ioniq 5 і красоверы Santa Fe[10].

Genesis[правіць | правіць зыходнік]

У канцы 2015 года была ўтворана даччыная марка люксавых аўтамабіляў Genesis. Першай мадэллю брэнда стаў седан Genesis G90, затым дадаліся седаны G80 (у 2016 годзе) і G70 (2017). З 2020 года ў мадэльны шэраг сталі дадавацца красоверы: Genesis GV80, Genesis GV70 і Genesis GV60. У жніўні 2023 года Genesis вырабіла свой мільённы аўтамабіль. З гэтага ліку 690 тысяч былі рэалізаваныя на рынку Паўднёвай Карэі, на экспарт паставілі 318 тысяч, з каторых звыш 225 тысяч прададзены ў ЗША[11].

Зноскі

  1. https://www.londonstockexchange.com/stock/HYUD/hyundai-motor-company/our-story
  2. ROR Data — v1.19 — 2023. — doi:10.5281/ZENODO.7644942
  3. а б в г д е ё ж з і к https://www.hyundai.com/content/dam/hyundai/ww/en/images/about-hyundai/ir/financial-statements/annual-report/HMCAnnualReport20160630.pdf
  4. Pietro Cardone. Ulsan, la fabbrica coreana da record di Hyundai (італ.). it.motor1.com (12 жніўня 2021). Праверана 21 верасня 2022.
  5. Filippo Einaudi. Montgomery, da qui Hyundai vuole conquistare l'America (італ.). it.motor1.com (6 снежня 2022). Праверана 6 снежня 2022.
  6. "Hyundai Motor Manufacturing Alabama Builds its 5 Millionth Vehicle" [англійская]. Hyundai. 2021-08-12. Праверана 2022-12-06.
  7. Nošovická automobilka Hyundai vyrobila loni 275.000 automobilů, víc než předloni (чэшск.). auto.cz (3 студзеня 2022). Праверана 10 студзеня 2022.
  8. "Hyundai Motor Manufacturing Czech celebrates production of 4 millionth vehicle" [англійская]. Hyundai. 2022-11-18. Праверана 2022-11-21.
  9. "Hyundai alcança 2 milhões de veículos produzidos em Piracicaba desde 2012" [партугальская]. motor1.uol.com.br. 2023-10-11. Праверана 2023-10-12.
  10. Filippo Einaudi. Cikarang, la fabbrica di Hyundai che produce auto su richiesta (італ.). it.motor1.com (2 мая 2023). Праверана 2 мая 2023.
  11. "Genesis Sells One-Millionth Car Since 2015 Debut, G80 Is Best-Selling Model" [англійская]. motor1.com. 2023-09-18. Праверана 2023-09-19.

Спасылкі[правіць | правіць зыходнік]