Перайсці да зместу

АвтоВАЗ

З Вікіпедыі, свабоднай энцыклапедыі
(Пасля перасылкі з АўтаВАЗ)
АвтоВАЗ
Тып акцыянернае таварыства
Лістынг на біржы Маскоўская біржа[d][1]
Заснаванне 1966
Заснавальнікі ЦК КПСС і Савет міністраў СССР
Размяшчэнне
Галіна аўтамабільная прамысловасць
Прадукцыя аўтамабіль
Аперацыйны прыбытак
  • 257 млрд ₽ (2020)
Чысты прыбытак
  • 742 млн ₽ (2020)
Матчына кампанія Растэх[d]
Даччыныя кампаніі Лада і Lada Zapad Tolyatti[d]
Сайт info.avtovaz.ru (руск.)

ААТ «АвтоВА́З» (бел.: «АўтаВА́З») — расійская аўтамабілебудаўнічая кампанія, буйнейшы вытворца легкавых аўтамабіляў у Расіі і Усходняй Еўропе. Штаб-кватэра і асноўная вытворчасць знаходзіцца у горадзе Тальяці Самарскай вобласці.

Поўная афіцыйная назва — Адкрытае акцыянернае таварыства «АўтаВАЗ». Папярэднія назвы — Волжский автомобильный завод (бел.: Волжскі аўтамабільны завод) (ВАЗ) (1966—1971), Волжское объединение по изготовлению легковых автомобилей «АвтоВАЗ» (бел.: Волжскае аб'яднанне па вытворчасці легкавых аўтамабіляў «АўтаВАЗ») (з 1971). Загадам Прэзідыума Вярхоўнага Савета РСФСР у 1972 годзе Волжскаму аўтазаводу прысвоена імя 50-годдзя СССР.

Раней выпускаў аўтамабілі маркі ВАЗ з найменнямі «Жыгулі», «Ніва», «Спутнік»/«Самара» (2108, 2109, 21099), «Ака». Цяпер вырабляе аўтамабілі пад ўласнай гандлёвай маркай Lada («Лада»), а таксама аўтамабілі маркі Renault. Апроч гэтага АўтаВАЗ пастаўляе іншым вытворцам машынакамплекты для зборкі аўтамабіляў маркі «Lada» і іх мадыфікацый.

Да канца 2021 года ўладальнікам 100 % АўтаВАЗа была нідэрландская Alliance Rostec Auto B.V. — сумеснае прадпрыемства расійскай дзяржкарпарацыі Растэх (32,3 %) і французскай Renault Group (67,7 %). У снежні 2021 года быў завершаны перавод 100 % акцый АўтаВАЗа ў расійскую юрысдыкцыю, пад уласнасць новай сумеснай кампаніі з рэгістрацыяй у Маскве — Лада Аўта Холдынг, долі ў якой у акцыянераў не змяніліся[2].

У маі 2022 года, у сувязі з сыходам Renault з расійскага рынку, акцыі, якія раней належалі альянсу, перайшлі пад кантроль і кіраванне НАМІ  (руск.)[3].

Вытворчыя пляцоўкі

[правіць | правіць зыходнік]

Ад моманту заснавання завода гэта была першая нітка галоўнага канвеера. На працягу супрацоўніцтва з Рэно мела назву B0 — па назве аўтамабільнай платформы, якая выкарыстоўвалася ў аўтамабілях B-класа марак Nissan, Renault і Lada. На гэтай лініі да 2022 года выпускаліся сямействы аўтамабіляў Lada XRAY, Lada Largus, Renault Logan, Renault Sandero[4]. Цяпер прызначана для выпуску Lada Largus і Lada Vesta NG[5].

На трэцяй нітцы галоўнага канвеера выпускаюцца аўтамабілі сямейства «Ніва»[6]. Магутнасць 300 тысяч машын у год.

У 2014 годзе лінію мадэрнізавалі ў адпаведнасці з патрабаваннямі вытворчай сістэмы AIMS (Alliance Integrated Manufacturing System) альянсу Renault-Nissan, каб запусціць тут вытворчасць Lada Vesta. Але ў выніку выпуск Весты пачалі ў Іжэўску, а на трэцюю нітку перанеслі зборку Lada Priora.

Ад пачатку выпуску ў 1977 годзе Ніва 2121 выраблялася ў асобным корпусе, не звязаным з іншымі канвеерамі (корпус № 62). У 2016 годзе зборку перанеслі на трэцюю нітку, дзе выпускалася Lada Priora[7]. Летам 2021 года на гэтую лінію быў перанесены выпуск мадэлі Lada Niva Travel[8].

На «Лініі 5» (да 2022 года — «зборачна-кузаўная вытворчасць Kalina») выпускаюцца аўтамабілі на платформе Lada Kalina — уласна Lada Kalina (20042018), Lada Granta2011 года), а таксама Datsun on-DO і Datsun mi-DO (20142020)[9].

LADA Захад Тальяці

[правіць | правіць зыходнік]

У 1998 годзе на Маскоўскім аўтасалоне адбылася афіцыйная прэм’ера новай «Нівы» ВАЗ-2123. Была пачата дробнасерыйная зборка машыны па абыходных тэхналогіях у доследна-прамысловай вытворчасці, аднак з прычыны эканамічнага крызісу ў завода не было рэсурсаў на запуск паўнавартаснай серыйнай вытворчасці навінкі і таму паралельна вёўся пошук стратэгічнага інвестара. У выніку цікавасць да мадэлі праявіла карпарацыя General Motors. 27 чэрвеня 2001 года прадстаўнікі General Motors, АўтаВАЗа і Еўрапейскага банка рэканструкцыі і развіцця падпісалі пагадненне аб стварэнні сумеснага прадпрыемства GM-AvtoVAZ. Кожны бок унёс сваю долю ў СП: АўтаВАЗ (41,61 % акцый) — інтэлектуальная ўласнасць (ліцэнзія на мадэль ВАЗ-2123 і гандлёвая марка «Ніва»); «Джэнерал мотарс» (41,61 %) — абсталяванне для вытворчасці і тэхналогіі; ЕБРР (16,78 %, пазней выйшаў са складу акцыянераў) — грошы для пабудовы завода і запуску вытворчасці. Будаўніцтва завода было хутка завершана, і ўжо 23 верасня 2002 года з канвеера сышоў першы аўтамабіль Chevrolet Niva.

У снежні 2019 года АўтаВАЗ выкупіў долю GM у сумесным прадпрыемстве і ў выніку стаў адзіным уладальнікам СП «GM-АўтаВАЗ»[10]. Пасля пераназвана ў АТ «Лада Захад Тальяці».

Вытворчыя магутнасці прадпрыемства ўключаюць цэх афарбоўкі, цэх зборкі і дапаможныя цэхі, а таксама экспедыцыю (падрыхтоўка да адгрузкі аўтамабіляў) і адміністрацыйны корпус. Агульная тэрыторыя складае больш за 137 тысяч квадратных метраў. У вытворчасці задзейнічана больш 1984 адзінак тэхналагічнага абсталявання. Агульная працягласць канвеернай лініі — 481 метр[11].

Да 2021 года на пляцоўцы вырабляўся пазадарожнік Lada Niva Travel. Улетку 2021 года вытворчасць гэтай мадэлі была перанесена на трэцюю нітку галоўнага канвеера, а завод «Лада Захад Тальяці» закансерваваны[8].

У 2011 годзе у склад групы АўтаВАЗ увайшоў Іжэўскі аўтазавод. У маі 2014 года на заводзе стартавала вытворчасць ліфтбекаў Lada Granta, у жніўні 2014 года з канвеера сышлі першыя аўтамабілі Nissan.

У 2017 годзе Іжэўскі аўтазавод быў перайменаваны ў ТАА «Лада Іжэўскі Аўтамабільны Завод» (скарочана ТАА «Лада Іжэўск»)[12].

З верасня 2015 да сакавіка 2022 года тут ажыццяўляўся выпуск Lada Vesta. У жніўні 2022 года было прынята рашэнне перанесці вытворчасць мадэлі ў Тальяці на былую лінію «B0» (з лістапада 2022 года — «Лінія 1»)[5][13].

«ВІС-Аўта» — даччынае прадпрыемства па вытворчасці лёгкіх камерцыйных аўтамабіляў і ўсюдыходаў на базе аўтамабіляў Lada. Утворана ў 2012 годзе шляхам аб’яднання даччыных структур «Бронта» і «ВАЗІНТЭРСЕРВІС».

Вытворчыя і складскія памяшканні складаюць 9440 м². Прадпрыемства вырабляе звыш 3500 машын у год. Станам на 2021 год выпускае фургоны і пікапы на базе Lada Granta і Lada Largus, а таксама пазадарожнікі і ўсюдыходы пад маркай «Бронта» на базе Lada 4x4[14].

  1. http://moex.com/en/issue.aspx?board=EQNL&code=AVAZ
  2. "АВТОВАЗ завершил перевод контролирующего предприятия в российскую юрисдикцию"(руск.). autostat.ru. 2021-12-30. Праверана 2022-05-17.
  3. "Renault sells Russia's Avtovaz stake, but leaves room for return"(англ.). Reuters. 2022-05-16. Праверана 2022-05-17.
  4. Производство АВТОВАЗа. Выпуск автомобилей на платформе B0 (руск.). лада.онлайн (4 лютага 2020). Праверана 14 красавіка 2021.
  5. а б АВТОВАЗ переименовал конвейеры завода в Тольятти (руск.). лада.онлайн (11 лістапада 2022). Праверана 23 лістапада 2022.
  6. Где и как собирают Lada Niva Legend (руск.). лада.онлайн (8 красавіка 2021). Праверана 14 красавіка 2021.
  7. АвтоВАЗ переносит сборку Лады 4х4 на другой конвейер (руск.). autoreview.ru (29 лістапада 2016). Праверана 14 красавіка 2021.
  8. а б Нивы Travel и Legend будут выпускать на одном конвейере (руск.). autoreview.ru (30 красавіка 2020). Праверана 30 красавіка 2021.
  9. Производство АВТОВАЗа. Выпуск автомобилей Lada Granta и Datsun (руск.). лада.онлайн (6 лютага 2020). Праверана 14 красавіка 2021.
  10. АВТОВАЗ приобретает долю GM в совместном предприятии GM-АВТОВАЗ (руск.). lada.ru (9 снежня 2019). Праверана 14 красавіка 2021.
  11. Будем знакомы: ЛАДА Запад Тольятти (руск.). na-zavode.ru (17 сакавіка 2021). Праверана 14 красавіка 2021.
  12. Будем знакомы: LADA ИЖЕВСК (руск.). na-zavode.ru (31 сакавіка 2021). Праверана 14 красавіка 2021.
  13. "АВТОВАЗ объявил о переносе производства LADA Vesta в Тольятти"(руск.). Автостат // autostat.ru. 2022-08-04. Праверана 2022-09-26.
  14. АВТОВАЗ рассказал про свое дочернее предприятие «ВИС-Авто» (руск.). лада.онлайн (4 лютага 2021). Праверана 14 красавіка 2021.