Мухавец (аграгарадок)

Мухавец
Краіна	Беларусь
Вобласць	Брэсцкая
Раён	Брэсцкі
Сельсавет	Мухавецкі
Каардынаты	52°01′37″ пн. ш. 23°48′43″ у. д.HGЯO
Насельніцтва	▲2 178 чал. (2009);
Часавы пояс	UTC+3
Тэлефонны код	+375 162
Аўтамабільны код	1
	Мухавец на Вікісховішчы

Му́хавец^[1] (трансліт.: Muchaviec, руск.: Мухавец, да 1969 года — Рама́наўскія Хутары́) — аграгарадок у Брэсцкім раёне Брэсцкай вобласці. Адміністрацыйны цэнтр Мухавецкага сельсавета. Размешчаны ў прыгараднай зоне за 15 км на паўднёвы ўсход ад Брэста, 9 км ад чыгуначнай станцыі Брэст-Паўднёвы, на аўтадарозе Брэст—Ковель, побач р. Каменка (прыток р. Мухавец).

Гісторыя

Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі 164 вяскоўцы. У кастрычніку 1948 года арганізаваны калгас імя В. П. Чкалава, у які ўключана 26 гаспадарак з 32. З 20 верасня 1971 года цэнтр сельсавета^[2].

Насельніцтва

42 двары, 215 жыхароў (1940)
542 гаспадаркі, 1632 жыхары (1997)
644 гаспадаркі, 1999 жыхароў (2005)

Інфраструктура

Цэнтр дзяржаўнага ўнітарнага сельскагаспадарчага прадпрыемства «Племзавод „Мухавец“».

Ёсць амбулаторыя, лясніцтва, сярэдняя школа, клуб, бібліятэка, яслі-сад, аддзяленне сувязі, кемпінг, гасцініца, сталовая, прамтаварны і прадуктовы магазіны.

Славутасці

Паштовая станцыя (сяр XIX ст.)
Свята-Уладзімірская царква
Помнік С. Я. Багданчуку — дзеячу рэвалюцыйнага руху ў Заходняй Беларусі

Вядомыя асобы

Васіль Васільевіч Панасюк (нар. 1966) — беларускі палітык.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Мухаве́ц, Рама́наўскія Хутары́, мн.
↑ Рашэнне выканкома Брэсцкага абласнога Савета дэпутатаў працоўных ад 20 верасня 1971 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 29 (1331).

Літаратура

Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

На Вікісховішчы ёсць медыяфайлы па тэме Мухавец (аграгарадок)
Мухавец (аграгарадок) на сайце Глобус Беларусі (руск.)

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Мухаве́ц, Рама́наўскія Хутары́, мн.

[2] Рашэнне выканкома Брэсцкага абласнога Савета дэпутатаў працоўных ад 20 верасня 1971 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 29 (1331).

[1]

[2]

Мухавецкі сельсавет
Цэнтр	Мухавец
Вёскі	Ваўкі · Вулька Застаўская · Гулі · Забалацце · Закій · Заслучна · Камяніца Жыравецкая · Лазы · Літвіны · Падлессе Камянецкае · Падлессе Радваніцкае · Сямісосны · Херма