Мікалай Дзмітрыевіч Несцяровіч

Мікалай Дзмітрыевіч Несцяровіч
Дата нараджэння	25 ліпеня 1903(1903-07-25)
Месца нараджэння	Енцы, Расохская воласць[d], Рагачоўскі павет, Магілёўская губерня, Расійская імперыя
Дата смерці	27 снежня 1984(1984-12-27) (81 год)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	інжынер-лесавод, батанік
Навуковая сфера	батаніка, лесаводства і драўняныя расліны
Месца працы	Беларускі дзяржаўны тэхналагічны ўніверсітэт Цэнтральны батанічны сад Нацыянальнай акадэміі навук Беларусі Інстытут біялогіі АН БССР Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	доктар біялагічных навук (1955)
Навуковае званне	прафесар
Альма-матар	Лясны інстытут (1931)
Прэміі
Узнагароды	акадэмік Акадэміі навук Беларускай ССР (1956)

Мікалай Дзмітрыевіч Несцяровіч (25 ліпеня 1903, вёска Енцы, Кармянскі раён, Гомельская вобласць — 27 снежня 1984) — беларускі батанік-дэндролаг. Акадэмік Нацыянальнай акадэміі навук Беларусі (1956), доктар біялагічных навук (1955), прафесар (1956). Заслужаны дзеяч навукі БССР (1967).

Біяграфія

Скончыў Беларускі лесатэхнічны інстытут (1931). З 1931 года загадчык вучэбна-дасведчаным лясніцтвам, асістэнт Беларускага лесатэхнічнага інстытута, у 1937—1941 гадах вучоны сакратар, старшы навуковы супрацоўнік, загадчык аддзела Цэнтральнага батанічнага саду АН БССР, з 1946 года загадчык аддзела, намеснік дырэктара па навуковай рабоце Інстытута біялогіі АН БССР. У 1956—1969 гадах акадэмік-сакратар Аддзялення біялагічных навук АН БССР, адначасова загадчык аддзела Інстытута эксперыментальнай батанікі АН БССР. У 1969—1973 гадах віцэ-прэзідэнт Акадэміі навук БССР, у 1973—1975 гадах навуковы кансультант, з 1975 года загадчык аддзела Інстытута эксперыментальнай батанікі АН БССР.

Навуковая дзейнасць

Працы па развіцці тэорыі і практыкі ляснога і зялёнага будаўніцтва, вывучэнні біялагічных, марфалагічных і фізіялагічных асаблівасцей росту і развіцця мясцовых і інтрадуцыраваных драўняных раслін у залежнасці ад фактараў навакольнага асяроддзя. Ім выкананы ўнікальныя даследаванні па вывучэнні марфалагічных прыкмет і асаблівасцей насення і пладоў многіх драўняных раслін. Распрацаваў прыроднае раянаванне тэрыторыі Беларусі для мэтаў інтрадукцыі. Дзяржаўная прэмія БССР 1976 за цыкл работ па вывучэнні марфалагічных, фізіялагічных і біялагічных асаблівасцей драўняных раслін.

Узнагароды

Узнагароджаны ордэнамі Леніна (1973, 1979), Працоўнага Чырвонага Сцяга (1983), Кастрычніцкай Рэвалюцыі (1971), Айчыннай вайны I і II ступені (1944, 1945), Чырвонай Зоркі (1943), «Знак Пашаны» (1951), медалямі.

Навуковыя працы

• Акклиматизация древесных растений в зеленом строительстве и лесном хозяйстве Белорусской ССР. Мн.: Изд-во АН БССР, 1950.
• Плодоношение интродуцированных древесных растений и перспективы разведения их в Белорусской ССР. Мн.: Изд-во АН БССР, 1955.
• Интродуцированные деревья и кустарники в Белорусской ССР. Вып. 1-3. Мн.: Изд-во АН БССР, 1959-61 (у суаўт.).
• Плоды и семена лиственных древесных растений. — Мн., 1967 (разам з Ю. Д. Сіроткіным і Н. І. Чакалінскай).
• Древесные растения и влажность почвы — Мн., 1972. (разам з Т. Ф. Дзяругінай)
• Интродукционные районы и древесные растения для зеленого строительства в Белорусской ССР. Мн.: Наука и техника, 1982.
• Бобореко Е. З., Нестерович Н. Д., Орленок Е. И., Чаховский А. А., Шкутко Н. В. Древесные растения Центрального ботанического сада АН БССР. — Минск: Наука и техника, 1982. — 293 с.

Літаратура

• Несцяро́віч Мікалай Дзмітрыевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 535. — 800 с. — 5 000 экз. — ISBN 985-11-0026-9.
• Несцяро́віч Мікалай Дзмітрыевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 299. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Несцяро́віч Мікалай Дзмітрыевіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 13—14. — 599 с., іл. — 10 000 экз.

Спасылкі

• Мікалай Дзмітрыевіч Несцяровіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Несцяровіч, Мікалай Дзмітрыевіч (доктар біялагічных навук; 1903—1984)(недаступная спасылка) // Нацыянальная бібліятэка Беларусі
• НЕСТЕРОВИЧ Николай Дмитриевич (25.07.1903 — 27.12.1984) (руск.) // Інстытут эксперыментальнай батанікі імя В. Ф. Купрэвіча НАН Беларусі