Мікола Дубовік

Мікола Дубовік
Мікола Дубовік
Асабістыя звесткі
Дата нараджэння	28 ліпеня 1905
Месца нараджэння	Мурыны[d], Грозаўская воласць[d], Слуцкі павет, Мінская губерня, Расійская імперыя;
Дата смерці	30 чэрвеня 1928 (22 гады)
Месца смерці	Бабруйскі раён, Бабруйская акруга, БССР, СССР;
Грамадзянства	Расійская імперыя; БССР;
Альма-матар	літаратурна-лінгвістычнае аддзяленне педагагічнага факультэта БДУ[d];
Прафесійная дзейнасць
Род дзейнасці	пісьменнік, паэт
Мова твораў	беларуская
Грамадская дзейнасць
Член у	Маладняк;
	Творы ў Вікікрыніцах

Мікола Дубовік (28 ліпеня 1905, в. Мурыны, цяпер в. Каменка, Капыльскі раён Мінскай вобласці — 30 чэрвеня 1928) — беларускі паэт-маладняковец.

Біяграфія

Нарадзіўся 28 ліпеня 1905 года ў вёсцы Мурыны ў беднай сялянскай сям’і. Нягледзячы на матэрыяльныя складанасці скончыў агульнаадукацыйныя курсы (1923) і паступіў на факультэт грамадскіх навук Беларускага дзяржаўнага ўніверсітэта, потым перавёўся на літаратурнае аддзяленне педагагічнага факультэта. У 1926 г. быў дэлегатам Першага з’езду «Маладняка». Некалькі разоў кідаў вучобу, служыў у арміі^[1].

Трагічна загінуў 30 чэрвеня 1928 года падчас купання салдат у р. Бярэзіна пад Бабруйскам. Пахаваны на брацкіх могілках каля Бабруйска^[1] (па інфармацыі Ірыны Багдановіч^[2]).

Ад сярэдзіны 1920-х актыўна публікаваўся ў перыядычным друку, часопісах «Чырвоны Сцяг», «Узвышша», «Маладняк», «Аршанскі маладняк», полацкім альманаху «Наддзвінне». Захапляўся паэзіяй Дж. Байрана, І. Гётэ, Ф. Шылера. Паэт Янка Бобрык, яго сябар, напісаў верш на смерць Дубовіка ў часопісе «Маладняк», таксама памяці маладога творцы прысвяцілі свае вершы Алесь Звонак і Валерый Маракоў^[1].

↑ ^а ^б ^в Дубовік Мікола – Белліт (бел.) (17 кастрычніка 2023). Праверана 24 жніўня 2024.
↑ Гаўрук — Жалязняк – Белліт (бел.) (14 ліпеня 2023). Праверана 24 жніўня 2024.