МТБанк
| МТБанк Мінскі транзітны банк | |
|---|---|
 | |
| Тып | Банкаўская сфера |
| Заснаванне | 14 сакавіка 1994[1] |
| Краіна | |
| Адрас | |
| Галіна | банкаўская справа[d] |
| Уласны капітал |
|
| Абавязацельствы | 1 553 346 000 Br[3] |
| Абарот | ▲12 636 400 рублёў (2010; 42 209 тысяч $) |
| Чысты прыбытак |
|
| Актывы |
|
| Дэвіз | Банк свежых рашэнняў |
| Даччыныя кампаніі | ААТ НКФА АРІП[4][5] |
| Сайт | mtbank.by (руск.) (англ.) |
Закрытае акцыянернае таварыства «Мінскі транзітны банк» (ЗАТ «МТБанк») — камерцыйны банк у Рэспубліцы Беларусь. Упаўнаважаны банк Дзяржаўнага мытнага камітэта. Заснаваны ў 1994, першы банк з удзелам замежнага капіталу.
Буйнейшыя акцыянеры — «MTB Investments Holdings Limited» (супольнае прадпрыемства «Атлант-М» і «Horizon Capital», ЗША) — 98,97 % акцый, УП «Мінскінтэркапс» — 0,56 % і Мінскі гарадскі тэрытарыяльны фонд дзяржаўнай маёмасці — 0,438 %[6].
Рэквізіты
[правіць | правіць зыходнік]БІК 153001117, УНП 100394906, АКПА 14619370.
SWIFT: MTBK BY22. Тэлекс: 252157 MTB BY.
Гісторыя
[правіць | правіць зыходнік]14 сакавіка 1994 года зарэгістраваны пастановай Нацыянальнага банка Беларусі № 38 як ЗАТ "Супольны камерцыйны беларуска-латвійска-швейцарскі банк «Мінскі транзітны банк»[7]. Першы банк у Беларусі з удзелам замежнага капіталу[8].
У 1997 годзе ЗАТ «Мінскі транзітны банк» прыняты ў Асацыяцыю камерцыйных банкаў Рэспублікі Беларусь. Банкам асвоены новыя аперацыі для кліентаў, сярод якіх крэдытаванне прыватных асоб на спажывецкія патрэбы, набыццё і будаўніцтва жылля, а таксама прыём камунальных і мытных плацяжоў. Атрыманая ліцэнзія на працу з каштоўнымі паперамі.
У 2000 годзе ЗАТ «Мінскі транзітны банк» пашырыў лінейкі рознічных паслуг: наяўныя грашовыя сродкі выдаюцца па міжнародных пластыкавых картах VISA, Euro Card, Master Card; па пераводах фізічныя асобы могуць атрымаць наяўныя грашовыя сродкі без адкрыцця рахунку; у банку праводзяцца аперацыі па пераводах Western Union.
У 2001 годзе асноўным акцыянерам стаў холдынг «Атлант-М». У 2007 годзе да ліку акцыянераў далучылася амерыканская кампанія «Horizon Capital».
У 2003 годзе ўласны капітал ЗАТ «Мінскі транзітны банк» павялічаны да 10 млн еўра. Выпушчаны першыя карткі MasterCard. Банк паспяхова працуе з прадуктамі American Express Company: па аб’ёмах продажу дарожных чэкаў МТБанк займаў 2 месца ў Рэспубліцы Беларусь і 1 месца па тэмпах росту аб’ёмаў продажу.
У 2007 годзе ў склад акцыянераў увайшла холдынгавая кампанія амерыканскага інвестыцыйнага фонду Horizon Capital: уласны капітал банка павялічваецца да 43,8 млн USD, то-бок на 143,6 %. У рамках праграмы падтрымкі малых і сярэдніх прадпрыемстваў у Беларусі ЗАТ «Мінскі транзітны банк» і ЕБРР заключаюць крэдытныя пагадненні на суму 4, а затым 10 млн USD.
Банк абраны ў каардынацыйны савет лакальнай сеткі Глабальнага дагавора ААН у Рэспубліцы Беларусь.
У 2021 годзе ЗАТ «МТБанк» набыў 99,999 % акцый і далучыў да сябе ЗАТ «Ідэя Банк»[9].
У 2022 годзе банк трапіў пад санкцыі Канады[10].
Дзейнасць
[правіць | правіць зыходнік]- Прадстаўленне поўнага комплексу паслуг карпаратыўным і прыватным кліентам.
- Упаўнаважаны банк Дзяржаўнага мытнага камітэту на права гарантаваць выплату мытных плацяжоў.
- Банк ажыццяўляе прафесійную і біржавую дзейнасць па каштоўных паперах. З’яўляецца ўпаўнаважаным дэпазітарыем, які выконвае функцыі па ўліку правоў на дзяржаўныя і карпаратыўныя каштоўныя паперы[11].
Зноскі
- ↑ а б https://www.mtbank.by/about/general/
- ↑ а б https://www.mtbank.by/upload/docs/finreports/Financial-statements-IFRS-2021-eng.pdf
- ↑ а б https://www.mtbank.by/about/reporting/finreports/
- ↑ https://raschet.by/upload/iblock/1c3/f8sf20685b9mxswiozs7nvv8ir38z82u/ERIP-finansovaya-otchetnost-2021.pdf
- ↑ https://www.raschet.by/upload/iblock/a15/finansovaya-otchetnost-za-2016-g..pdf
- ↑ Акцыянеры (руск.). Кіраўніцтва банка. МТБанк (1 лютага 2014).
- ↑ Статут банка (руск.). Пра МТБанк. МТБанк (1 лютага 2014).
- ↑ Гісторыя (руск.). Пра МТБанк. МТБанк (1 лютага 2014).
- ↑ Ідэя Банк спыняе сваю дзейнасць у Беларусі(недаступная спасылка). Архівавана з першакрыніцы 30 снежня 2021. Праверана 30 снежня 2021.
- ↑ Закрите акціонерне товариство «МТБанк»(недаступная спасылка). Архівавана з першакрыніцы 28 лютага 2023. Праверана 28 лютага 2023.
- ↑ Агульная інфармацыя аб МТБанке
Спасылкі
[правіць | правіць зыходнік]- Афіцыйная старонка Архівавана 11 мая 2011. (руск.)