Міхась Васілёк

З пляцоўкі Вікіпедыя
Jump to navigation Jump to search
Міхась Васілёк
Michaś Vasilok Naša Vola 1936 no 6 s 3.jpg
Асабістыя звесткі
Імя пры нараджэнні Міхаіл Восіпавіч Касцевіч
Псеўданімы Міхась Васілёк, Язэп Гром
Дата нараджэння 14 лістапада 1905(1905-11-14)
Месца нараджэння
Дата смерці 3 верасня 1960(1960-09-03) (54 гады)
Месца смерці
Пахаванне
Грамадзянства Польская Рэспубліка, СССР
Месца працы
Прафесійная дзейнасць
Род дзейнасці
Мова твораў беларуская
Дэбют першы зборнік лірыкі «Шум баравы» (Вільня, 1929) (канфіскаваны)
Грамадская дзейнасць
Партыя
Член у
Commons-logo.svg Выявы на Вікісховішчы
Удзельнікі акруговага з'езду Таварыства беларускай школы ў Гродне. Другі злева ў першым радзе паэт Міхась Васілёк, у цэнтры другога рада Аляксандр Уласаў, справа ад яго Рыгор Шырма. 1928

Міхась Васілёк, сапр. Міхаіл Восіпавіч Касцевіч (14 лістапада 1905, в. Баброўня, цяпер Гродзенскі раён — 3 верасня 1960; Псеўданімы: Язэп Гром) — беларускі паэт[1].

Біяграфія[правіць | правіць зыходнік]

Нарадзіўся ў сям'і лесніка, пляменнік Макара Касцевіча (Краўцова). Сярэднюю адукацыю атрымаў у 1921 у Казлове (Мічурынску), дзе разам з бацькамі быў у бежанстве. У 1922 вярнуўся на радзіму.

Уступіў у Беларускую сялянска-рабочую грамаду. Арганізоўваў гурткі Таварыства беларускай школы. За ўдзел у рэвалюцыйным руху польскія ўлады неаднаразова арыштоўвалі і саджалі ў турму[1]. У 1939 быў мабілізаваны ў польскае войска, у час баёў трапіў у нямецкі палон[1]. У жніўні 1941 уцёк з палону, дабраўся да родных мясцін і ўключыўся ў падпольную барацьбу[1]. Кіраваў Скідальскім падпольным антыфашысцкім камітэтам, пад псеўданімам Язэп Гром выступаў у партызанскім друку.

Пасля вызвалення працаваў у скідальскай раённай газеце «Чырвоны сцяг» (1944—1946), пазней — у абласной газеце «Гродзенская праўда». Член Саюза пісьменнікаў СССР (з 1945).

Памер у Гродне, пахаваны на праваслаўных гродзенскіх могілках.

Творчасць[правіць | правіць зыходнік]

У друку выступаў з 1926[1] у віленскіх выданнях.

Першы зборнік лірыкі «Шум баравы» выйшаў у Вільні ў 1929 годзе. У 1937 годзе адміністрацыйная ўлада наклала на яго канфіскацыю[2]. Рукапіс другога зборніка быў канфіскаваны дэфензівай і знішчаны (1934). У 1937 годзе ў Вільні выйшаў зборнік «З сялянскіх ніў».

У савецкі час выдадзены кнігі паэзіі «Выбраныя вершы» (1950), «Выбраныя творы» (1955), «Зоры над Нёманам» (1963), «Вершы» (1973).

Ушанаванне памяці[правіць | правіць зыходнік]

У Горадні імем паэт названа вуліца, на якой стаяў дом паэта.

Зноскі

  1. 1,0 1,1 1,2 1,3 1,4 Василёк Михась // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 103. — 737 с.
  2. Chryścijanskaja Dumka, №5, 05.03.1937.

Літаратура[правіць | правіць зыходнік]

Спасылкі[правіць | правіць зыходнік]