Нарнія

З пляцоўкі Вікіпедыя
Jump to navigation Jump to search

Нарнія — свет у стыле фэнтэзі, створаны Клайвам Стэйплзам Льюісам, які з’яўляецца месцам дзеяння кніг серыі Хронікі Нарніі. Таксама краіна ў гэтым свеце, якая мае вызначаючае значэнне ў касмалогіі.

У Нарні шматлікія жывёлы размаўляюць, жывуць міфічныя стварэнні і магія з’яўляецца ўласцівасцю шматлікіх істот.

Серыя паказвае гісторыю света ад стварэння да канца. Героямі кніг з’яўляюцца людзі, якія прыходзяць з «нашага свету».

Рэлігія[правіць | правіць зыходнік]

Нарнія (нарнійскі свет) створана Асланам, Вялікім Ільвом — Богам, які з’яўляецца стваральнікам усяго міраздання. Шанаванне Аслана з’яўляецца сапраўднай рэлігіяй, якую вызнаюць нарнійцы, адступленне ад якой вядзе да розных пагубных наступстваў.

У розныя часы на тэрыторыі Нарніі дзейнічалі Вядзьмаркі, якія адвяргалі шанаванне Аслана і пераследавалі за веру ў Аслана або яе сцвярджэнне.

На поўдні нарнійскага свету, у Тархістане, існуе агідны па нарнійскім меркам культ багіні Таш.

Геаграфія[правіць | правіць зыходнік]

Нарнія — гэта і весь створаны другасны свет, і краіна, размешчанная відавочна, у ягоным цэнтры. Жыццё зарадзілася менавіта там, астатнія краіны былі заселеныя выхадцамі з Нарніі або з іншых светаў.

Нарнія[правіць | правіць зыходнік]

На захадзе Раўніна ліхтарнага слупа і Вялікі вадаспад. На поўдні мяжуе з Арландыяй. На паўночным усходзе балоты, дзе жывуць кваклі.

Арландыя[правіць | правіць зыходнік]

На захадзе мяжуе з Тэльмарам. На поўдначы мяжуе з Нарніяй. На поўдні мяжуе з Тархістанам па рацэ Ветраная стрэлка.

Сталіца Анвард.

Тэльмар[правіць | правіць зыходнік]

На ўсходзе мяжуе з Нарніяй і Арландыяй.

Тархістан[правіць | правіць зыходнік]

На поўначы пустыня і мяжа з Арландыяй. На паўднёвым захадзе азёры, з якіх выцякае рака. На гэтай рацэ стаіць сталіца Ташбаан.

Усходняе Мора[правіць | правіць зыходнік]

Мноства астравоў і архіпелагаў усейваюць Усходняе Мора. Найбольш значныя з іх: Гальма, Тэравінфія, Сем Астравоў і Адзінокія Астравы. Імператарам апошніх з’яўляецца нарнійскі кароль, Гальма незалежнае герцагства, Тэравінфія каралеўства.

Жыхары[правіць | правіць зыходнік]

У Нарніі жывуць людзі, гномы, фаўны, кентаўры, дрыяды, кваклі, жывёлы, якія размаўляюць.

Людзі[правіць | правіць зыходнік]

Сыны Адама і Дачкі Евы ўваходзілі ў Нарнію некалькі разоў з Зямлі. Яны і іх нашчадкі насяляюць краіны Нарнійскага свету.

Гномы[правіць | правіць зыходнік]

Аслан назваў іх «Сынамі Зямлі». Сярод гномаў існуюць як мінімум дзве расы: рыжыя гномы і чорныя гномы; адрозненне, якое гучыць у колерах валасоў і барады.

Жывёлы, якія размаўляюць[правіць | правіць зыходнік]

У Нарніі можна сустрэць правобраз многіх жывёл нашага свету. Жывёлы, якія размаўляюць, значна адрозніваюцца ад іх «нямых» сародзічаў.

Касмалогія[правіць | правіць зыходнік]

Астраномія[правіць | правіць зыходнік]

Сузор’і Нарніі адрозніваюцца ад зямных. Узгадваюцца летнія сузор’і Карабель, Молат, Леапард. Паўночная палярная зорка назваецца Вастрыё Кап’я і ярчэйшая за Палярную зорку.

Шматсусвецце[правіць | правіць зыходнік]

Сусвет Нарніі — адзін з бязлікіх сусветаў, сярод якіх і наш з вамі Сусвет, і сусвет Чарна.

Спосабы патрапіць у Нарнію[правіць | правіць зыходнік]

  • Праз зялёны пярсцёнак ў Лесе-Паміж-Сусветамі. Так патрапілі Дыгары Кёрк, Полі Пламер, Эндру Кетэрлі, Джадзіс, Фрэнк і ягоны конь ў Нарнію ў першай хроніцы «Пляменнік чараўніка».
  • Выклікам Аслана. Так патрапіла першая каралева Нарніі Алёна ў першай хроніцы «Пляменнік чараўніка».
  • Праз Гардэроб. Так патрапіла спачатку Люсі, а потым і іншыя дзеці Пэвэнсі ў Нарнію ў другой хроніцы «Леў, Вядзьмарка і Гардэроб».
  • Выкліканы праз Рог Сьюзен. Так патрапілі дзеці Пэвэнсі ў Нарнію ў чацвёртай хроніцы «Прынц Каспіян».
  • Праз карціну. Так патрапілі Люсі, Эдмунд Пэвэнсі і Юстэс Шкода ў Нарнію ў пятай хроніцы «Заваёўнік зары, або Плаванне на Край Сусвету».
  • Праз дзверы, якія Аслан ператварыў у партал. Так патрапілі Юстэс Шкода і Джыл Поўл у Нарнію ў шостай хроніцы «Сярэбраны фатэль».
  • Памёршы ў сваім сусвеце. Так патрапілі Юстэс Шкода і Джыл Поўл; Дыгары Кёрк, Полі Пламер, Пітэр, Эдмунд і Люсі Пэвэнсі ў Нарнію ў семай хроніцы «Апошняя бітва».