Наталля Уладзіміраўна Пяткевіч

Наталля Уладзіміраўна Пяткевіч
Намеснік старшыні Адміністрацыі прэзідэнта РБ 25 лістапада 2004 — 28 снежня 2010
Прэзідэнт	Аляксандр Лукашэнка
Кіраўнік урада	Сяргей Сідорскі
Нараджэнне	24 кастрычніка 1972(1972-10-24) (51 год) Мінск, БССР, СССР
Муж	Валянцін Барысавіч Рыбакоў
Дзеці	Філіп
Адукацыя	юрыдычны факультэт БДУ
Навуковая ступень	кандыдат юрыдычных навук
Дзейнасць	палітык
Месца працы	Адміністрацыя прэзідэнта Рэспублікі Беларусь

Наталля Уладзіміраўна Пяткевіч (дзяв. Краўчанка) (1972, Мінск, Беларуская ССР) — беларускі дзяржаўны дзеяч, спецыяліст у галіне правазнаўства. Кандыдат юрыдычных навук (1998).

Біяграфія

У 1994 годзе скончыла юрыдычны факультэт Беларускага дзяржаўнага ўніверсітэта. Працавала вядучым спецыялістам, затым начальнікам упраўлення дзяржаўнага і міжнароднага права Галоўнага дзяржаўнага прававога ўпраўлення Адміністрацыі Прэзідэнта Рэспублікі Беларусь. У 2001 годзе стала прэс-сакратаром Аляксандра Лукашэнкі, з лістапада 2004 года — намеснікам Старшыні Адміністрацыі прэзідэнта.

9 студзеня 2009 годзе Наталля Пяткевіч прызначана першым намеснікам Старшыні Адміністрацыі Прэзідэнта Рэспублікі Беларусь, займала гэту пасаду да снежня 2010 г. З 1 верасня 2011 года па 1 кастрычніка 2014 года працавала памочнікам Прэзідэнта Рэспублікі Беларусь.

Санкцыі ЕС, ЗША

У 2006 годзе ЗША ўнеслі Пяткевіч у санкцыйны спіс спецыяльна прызначаных грамадзян і заблакіраваных асоб, а краіны-члены ЕС — у спіс беларускіх чыноўнікаў, якім забаронены ўезд на тэрыторыю ЕС, за ўдзел у фальсіфікацыі прэзідэнцкіх выбараў 2006 года.

Сям’я

Першы муж — Уладзіслаў Пяткевіч.

27 сакавіка 2009 года выйшла замуж за Аляксандра Мартыненку — намесніка старшыні Нацыянальнай дзяржаўнай тэлерадыёкампаніі Рэспублікі Беларусь.

У 2018 годзе выйшла замуж за Валянціна Рыбакова, пастаяннага прадстаўніка Беларусі пры ААН.

Мае сына Філіпа.