Падымаецца вецер

Падымаецца вецер
яп.: 風立ちぬ
Жанр	драматычны фільм, біяграфічны фільм, анімэ-фільм[d] і гісторыя сталення[d]
Рэжысёры	Хаяо Міядзакі
Прадзюсары	Toshio Suzuki[d]
Аўтары сцэнарыя	Хаяо Міядзакі
Кампазітары	Дзё Хісаісі[d]
Аператар	Хаяо Міядзакі
Краіна	Японія
Дыстрыбутар	Toho[d], Cirko Film[d], Netflix і HBO Max
Працягласць	126 хв.
Бюджэт	30 000 000 $
Зборы	136 533 257 $, 5 209 580 $ і 12 020 000 000 ¥
IMDb	ID 2013293
Медыяфайлы на Вікісховішчы

«Падымаецца вецер» (яп.: 風立ちぬ кадзэ таціну) — поўнаметражны анімацыйны фільм рэжысёра Хаяо Міядзакі, зняты на студыі «Гіблі» і выпушчаны ў 2013 годзе.

Фільм заснаваны на падзеях з жыцця японскага авіяканструктара Дзіра Харыкосі, які стаў вынаходнікам вядомых японскіх знішчальнікаў. Акрамя сапраўднага лёсу вынаходніка Харыкосі, яшчэ адной перадумовай для стварэння фільма паслужыла ўласная біяграфія Міядзакі: у некаторых персанажах можна пазнаць яго бацькоў, а адлюстраваны ў фільме свет — гэта свет іх маладосці. Галоўны герой, Дзіра Харыкосі, паказаны летуценнікам, якім з’яўляецца сам Міядзакі: вядома, што да таго, як стаць мульціплікатарам, ён хацеў быць авіяканструктарам. У аснове сюжэта таксама ляжыць апавяданне пісьменніка Тацуа Хоры «Падымаецца вецер».

Упершыню «Падымаецца вецер» быў прадстаўлены ў 2013 годзе на 70-м Венецыянскім кінафестывалі. У той жа самы кінасезон стужка атрымала прэмію кінакрытыкаў Нью-Ёрка і прэмію Нацыянальнага савета кінакрытыкаў ЗША як найлепшы мультфільм года, трапіла ў асноўныя конкурсныя намінацыі прэмій «Оскар» (2014) і «Залаты глобус» (2014). На прэзентацыі ў Венецыі, Міядзакі аб’явіў аб заканчэнні кар’еры.

Спасылкі

• Падымаецца вецер на сайце «Internet Movie Database» (англ.)