Пётр Вікенцьевіч Садоўскі

З пляцоўкі Вікіпедыя
Jump to navigation Jump to search
Пётр Садоўскі
Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Германія
3 чэрвеня 1992 — 28 кастрычніка 1994
Прэм’ер-міністр Вячаслаў Кебіч, Міхаіл Чыгір
Прэзідэнт ---, Аляксандр Лукашэнка
Пераемнік Пётр Бяляеў
 
Партыя Беларускі рух
Адукацыя
Навуковая ступень кандыдат філалагічных навук
Дзейнасць дыпламат, палітык
Месца працы
Нараджэнне 2 лютага 1941(1941-02-02) (79 гадоў)
 
Узнагароды
Медаль да стагоддзя БНР

Пётр Вікенцьевіч Садоўскі (нар. 1941 г.) [1] — беларускі мовазнавец, палітык і дыпламат. Кандыдат філалагічных навук.

Біяграфія[правіць | правіць зыходнік]

У 1953—1959 гадах вучыўся ў Мінскім сувораўскім вучылішчы. Скончыў Мінскі дзяржаўны педагагічны інстытут замежных моў. Валодае нямецкай, англійскай, іспанскай і французскай мовамі.

Быў членам Прэзідыума і старшынёй камісіі ў замежных справах Вярхоўнага Савета БССР і Рэспублікі Беларусь 12-га склікання[2]. У часы парламенцкай дзейнасці быў членам фракцыі Беларускага народнага фронта.

3 чэрвеня 1992 года прызначаны Надзвычайным і Паўнамоцным Паслом Рэспублікі Беларусь у Федэратыўнай Рэспубліцы Германія[3]; адстаўлены быў 28 кастрычніка 1994 года [4].

Пасля адстаўкі займаецца грамадскай і палітычнай дзейнасцю ў Беларусі. Да 2009 г. быў членам сойму Партыі БНФ[5]. Аўтар кнігі ўспамінаў «Мой шыбалет» (2008).

Удзельнічаў у акцыях супраць інтэграцыі з Расіяй, якія адбываліся ў Мінску ў снежні 2019 года. Выканаў патрыятычнаю песню на словы Янкі Купалы «А ў бары-бары тры дарожанькі», якую ён спяваў, будучы дэпутатам Вярхоўнага Савета, на плошчы Незалежнасці 25 жніўня 1991 года. Цэнтральным судом Мінска ў рамках адміністрацыйнага працэсу быў прысуджаны да штрафу[6].

Узнагароды[правіць | правіць зыходнік]

Узнагароджаны медалём 100 гадоў БНР Рады Беларускай Народнай Рэспублікі[7].

Зноскі

  1. Пётра Садоўскі. Мы былі гістарычна шчаслівыя… // Arche, 12 студзеня 2009
  2. Пётра Садоўскі: «Была агульная атмасфера чакання вялікіх пераменаў і шчасця…» // Хартыя’97
  3. Указ Президиума Верховного Совета Республики Беларусь от 3 июня 1992 г. № 1700-XII «О назначении Садовского П. В. Чрезвычайным и Полномочным Послом Республики Беларусь в Федеративной Республике Германия и присвоении ему дипломатического ранга Чрезвычайного и Полномочного Посла» (руск.) 
  4. Указ Президента Республики Беларусь от 28 ноября 1994 г. № 219 «Об освобождении П. В. Садовского от обязанностей Чрезвычайного и Полномочного Посла Республики Беларусь в Федеративной Республике Германии» (руск.) 
  5. Галіна Абакунчык: Сойм Партыі БНФ без Баршчэўскага і Садоўскага // Радыё Свабода, 07.09.2009
  6. nashaniva.by
  7. Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100