Пётр Пятровіч Суцько

Пётр Пятровіч Суцько
Род дзейнасці	журналіст, пісьменнік, паэт
Дата нараджэння	20 мая 1936(1936-05-20)
Месца нараджэння	Асошнікі, Зеляневіцкі сельсавет, Пружанскі раён, Брэсцкая вобласць, БССР, СССР
Дата смерці	10 снежня 2010(2010-12-10) (74 гады)
Грамадзянства	СССР  Беларусь
Месца працы	Заря[d] Чырвоная звязда[d] Сельская газета
Альма-матар	БДУ (1964) Вышэйшая партыйная школа пры ЦК КПСС[d] (1972)
Партыя	КПСС
Член у	Беларускі саюз журналістаў Саюз журналістаў СССР[d]
Узнагароды і прэміі	Берасцейская зорка[d] (2002) Выдатнік друку Беларусі[d]

Пётр Пятровіч Суцько́ (20 мая 1936 — 10 снежня 2010) — беларускі журналіст, паэт, пісьменнік. Заслужаны работнік культуры Беларускай ССР (1982).

Біяграфія

Нарадзіўся ў вёсцы Асошнікі (зараз у Пружанскім раёне Брэсцкай вобласці Беларусі). У 18-гадовым узросцке пачаў журналісцкую працу ў ружанскай раённай газеце «Запаветы Леніна», у 1957—1960 гадах быў карэспандэнтам, загадчыкам аддзела, адказным сакратаром. Займаў пасаду сакратара раённага камітэта ЛКСМБ, праходзіў службу ў Савецкай Арміі. У 1964 годзе скончыў Беларускі дзяржаўны ўніверсітэт. У 1965—1968 гадах займаў пасаду намесніка рэдактара іванаўскай раённай газеты «Чырвоная звязда». У 1968 годзе П. суцько быў запрошаны на працу ў газету «Заря» — орган Брэсцкага абласнога і Брэсцкага гадаскога камітэтаў КПБ, абласнога і гарадскога Саветаў народных дэпутатаў, дзе з 13 верасня 1972 года да 20 студзеня 2003 года займаў пасаду галоўнага рэдактара. Працаваў таксама ўласным карэспандэнтам у «Сельскай газеце». У 1972 годзе скончыў Вышэйшую партыйную школу пры ЦК КПСС у Маскве.

Памёр Пётр Пятровіч Суцько 10 снежня 2010 года.

Творчасць і грамадская дзейнасць

Акрамя журналісцкай дзейнасці П. П. Суцько займаўся літаратурнай дзейнасцю. З’яўляўся складальнікам і рэдактарам кніжных выданняў у тым ліку зборніка нарысаў аб Героях Сацыялістычнай Працы Брэсцкай вобласці «Земные звёзды» (1978). Пісаў вершы і мастацкую прозу — замалёўкі, абразкі.

Неаднаразова абіраўся дэпутатам Брэсцкага абласнога Савета, членам праўлення Саюза журналістаў БССР і Саюза журналістаў СССР. У 1978 годзе быў дэлегатам Беларускай ССР на XXXIII сесіі Генеральнай Асамблеі ААН у Нью-Ёрку.

Публікацыі:

• Мужество побеждает стихию / П. П. Сутько, В. Г. Туров, В. Ф. Малашевский. — Мн.: Беларусь, 1975. — 92 с., 8 л. ил.; 20 см. (дакументальная кніга пра паводку 1974 года на Брэстчыне).

Узнагароды і званні

• Ордэн «Знак Пашаны»
• Заслужаны работнік культуры Беларускай ССР (1982)
• Выдатнік друку Беларусі
• Прэмія «Берасцейская зорка — 2002»
• Проэміі Беларускага саюза журналістаў і Дзяржаўнага камітэта Рэспублікі Беларусь па друку

Літаратура

• Суцько́ Пётр Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 299. — 10 000 экз. — ISBN 985-11-0035-8. — ISBN 985-11-0251-2 (т. 15).
• Клімец М. П. Суцько Пётр Пятровіч // Памяць: Гіст.-дакум. хроніка Пружан. р-на / Беларус. Энцыкл.; Рэдкал. І. П. Шамякін (гал. рэд.) і інш.; Маст. А. М. Хількевіч. — Мн.: БелЭн, 1992. ISBN 5-85700-094-7. — С. 427–248.
• Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2009. — Т. 1. Брестская область. В 2 кн. Книга 2. Лабуда — Ящолд. — С. 393. — 487 с. — 2 500 экз. — ISBN 978-985-11-0475-4.

Спасылкі

• 20 мая 2016 г. — 80 гадоў з дня нараджэння Пятра Пятровіча Суцько (1936—2010), журналіста, заслужанага работніка культуры Беларусі // Краязнаўства Берасцейшыны
• Ушёл настоящий газетчик (руск.) // СБ. Беларусь сегодня
• Микола Панасюк Александру Юдицкому — 75 // Полесье — край родной… (руск.)