Святлана Яўгенаўна Куль-Сяльверстава

Святлана Яўгенаўна Куль-Сяльверстава
Дата нараджэння	20 верасня 1959(1959-09-20) (63 гады)
Месца нараджэння	Гродна, Гродзенская вобласць, БССР, СССР
Грамадзянства	Беларусь
Род дзейнасці	вучоная
Навуковая сфера	гістарыяграфія гісторыі Беларусі
Месца працы	Гродзенскі дзяржаўны ўніверсітэт імя Янкі Купалы Беластоцкая палітэхніка
Навуковая ступень	доктар гістарычных навук (2000)
Навуковае званне	дацэнт
Альма-матар	Гродзенскі дзяржаўны ўніверсітэт імя Янкі Купалы (1981)
Навуковы кіраўнік	Якаў Навумавіч Мараш
Член у	Міжнародная асацыяцыя беларусістаў

Святлана Яўгенаўна Куль-Сяльверстава (нар. 20 верасня 1959, Гродна) — беларускі гісторык і літаратар. Доктар гістарычных навук (2000), дацэнт (1994), прафесар гісторыі ГрДУ (з 1999).

Біяграфічныя звесткі

Скончыла гісторыка–педагагічны факультэт ГрДУ (1981), там жа навучалася ў аспірантуры (1984—1988).

У 1981—1983 годзе працавала школьным настаўнікам. З 1983 года ў ГрДУ: выкладчык (1989), дацэнт кафедры гісторыі БССР (1992—1996). Дактарант БДУ (1996—1999).

З 1999 года прафесар кафедры гісторыі Беларусі, з 2013 года прафесар кафедры гісторыі Беларусі, археалогіі і спецыяльных гістарычных дысцыплін ГрДУ.

З 1999 года загадвала навукова-даследчай лабараторыяй праблем рэгіянальнай культуры (у складзе лабараторыі — С. Токць, А. Смалянчук, Э. Мазько, С. Словік, С. Чувак), кіравала навуковымі праектамі і праграмамі вывучэння памежжа, гісторыі мяжы, вуснай гісторыі; была арганізатарам і кіраўніком навуковых экспедыцый і міжнародных летніх школ.

У 2014 годзе звольнена з ГрДУ і цяпер працуе ў Беластоцкім політэхнічным універсітэце.

Правадзейны член Акадэміі ваенных навук Расійскай Федэрацыі (2005), член Міжнароднай асацыяцыі беларусістаў, каардынацыйнага савету па турызме Гродзенскага аблвыканкама.

Навукова-даследчыцкая дзейнасць

Сфера навуковых інтарэсаў — культура Беларусі, ліцвінская культурная традыцыя ў Новы час, гісторыя Гродзенскага рэгіёна, ваенная гісторыя, гісторыя дзяржаўнай граніцы, праблемы гістарычнай храналогіі, палеаграфія, краязнаўства.

На фарміраванне гістарычнага светапогляду значна ўплывалі Б. Клейн, Я. Куль, А. Мальдзіс, Я. Мараш.

У 1989 годзе абараніла кандыдацкую дысертацыю «Развитие культуры Белоруссии в первой половине XIX века (театральное и изобразительное исскуство)» (навуковы кіраўнік: д.г.н, праф. Я. Н. Мараш).

У 2000 годзе абараніла доктарскую дысертацыю «Культура Новага часу на беларускiх землях у другой палове XVIII — першай чвэрцi XIX ст.ст» (навуковы кансультант: д.г.н, праф. П. І. Брыгадзін).

Аўтар навучальных дапаможнікаў «Беларуская палеаграфія» (1996), «Уводзіны ў беларускую палеаграфію» (2009).

Літаратурная творчасць

Аўтар паэтычнага зборніка «Вершы. Байкі. Паэмы» (2012).

Выбраная бібліяграфія

• Беларусь на мяжы стагоддзяў і культур: Фармаванне культуры Новага часу на беларускіх землях (другая палова XVIII ст. — 1820-я гг.). — Мн., 2000.
• Kanał Augustowski: szlak wodny Euroregionu Niemen. — Augustów; Suwałki, 2000 (у сааўт.).
• Палітыка. Культура. Асоба. Нарысы па гісторыі культуры Беларусі. — Гродна: ЮрСаПрынт, 2012.
• Беларускі час. Летазлічэнне ў Беларусі са старажытнасці да сучаснасці. — Гродна: ЮрСаПрынт, 2014.

Літаратура

• Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — С. 439. — 10 000 экз. — ISBN 985-11-0276-8.
• Выкладчыкі Гродзенскага дзяржаўнага універсітэта імя Я.Купалы: біяграфічны даведнік. — Гродна, 1999. — С. 500—501;
• Корзенко Г. В. Историки Беларуси в начале XXI столетия. — Минск: «Беларуская наука», 2007. — С. 339—340.

Спасылкі

• Многія даты беларускай гісторыі памылковыя — дасьледчыца летазьлічэньня прафэсар Куль-Сяльверстава // Радыё Свабода, 15 студзеня 2019
• Гісторыка Святлану Куль-Сяльверставу звальняюць з гродзенскага ўніверсітэту Архівавана 2 снежня 2020. // news.tut.by, 16 снежня 2014