Сталкер

Сталкер
руск.: Сталкер
Жанры	навукова-фантастычны фільм, артхаус, драматычны фільм і артхаусны навукова-фантастычны фільм[d]
Рэжысёр	Андрэй Арсеньевіч Таркоўскі[…]
На аснове	Пікнік на ўзбоччы
Сцэнарысты	Андрэй Арсеньевіч Таркоўскі Аркадзь Натанавіч Стругацкі Барыс Натанавіч Стругацкі
У галоўных ролях	Анатоль Саланіцын Аліса Брунаўна Фрэйндліх Аляксандр Леанідавіч Кайданоўскі Мікола Грынько Уладзімір Пятровіч Заманскі
Аператары	Аляксандр Леанідавіч Княжынскі[d] Леанід Іванавіч Калашнікаў[d] Георгій Іванавіч Рэрберг[d]
Кампазітар	Эдуард Мікалаевіч Арцем'еў
Мастак-пастаноўшчык	Андрэй Арсеньевіч Таркоўскі
Кінакампанія	Масфільм
Працягласць	163 хв.
Краіна	СССР[…]
Мова	руская
Год	25 мая 1979
IMDb	ID 0079944
Медыяфайлы на Вікісховішчы

«Сталкер» — фантастычны фільм, зняты на кінастудыі «Масфільм» у СССР у 1979 годзе па матывах аповесці «Пікнік на ўзбоччы» Аркадзя і Барыса Стругацкіх. Фільм атрымаў спецыяльную прэмію экуменічнага журы, прэміі ІНТЭРФІЛЬМ і ОСІК на XXXIII МКФ у Канах ў 1980 годзе.

Сюжэт

Дзеянне фільма адбываецца ў выдуманай краіне, у маленькім мястэчку. За 20 гадоў да гэтага каля горада адбылася катастрофа, праўдзівая прычына якой у фільме не называецца. Небяспечную тэрыторыю, названую «Зонай», ад людзей ахоўваюць ваенныя.

У Зоне адбываюцца таямнічыя з'явы. Галоўны герой фільма, Сталкер, водзіць людзей у Зону і назад (за што прасядзеў 5 гадоў у турме). Людзі імкнуцца патрапіць у «Пакой», месца ў Зоне, дзе выконваюцца любыя чалавечыя жаданні.

Фільм пачынаецца чорна-белым у хаце Сталкера. У яго жонка і дачка-інвалід з паралізаванымі нагамі, якую клічуць Малпа. Жонка эмацыйна адгаворвае мужа хадзіць у Зону, просіць не пакідаць яе зноў. Аднак ён усё роўна сыходзіць з дому. Далей Сталкер ідзе ў кафэ, дзе сустракае сваіх новых кліентаў, Прафесара і Пісьменніка (іх імёны не называюцца). Галоўныя героі ідуць у Зону, прабіраючыся міма ваеннага патруля на пазадарожніку, затым паглыбляюцца ў Зону на мотадрызіне. Падарожныя прасоўваюцца марудліва. Камера плаўна рушыць за імі, ствараючы максімальны эфект прысутнасці. Па меры набліжэння да Зоны фільм становіцца каляровым.

Зона поўная анамалій. Сталкер выкарыстоўвае гайкі з прывязанымі кавалачкамі бінта для іх вызначэння і патрабуе слухацца яго падчас руху. Па меры прасоўвання да Пакоя, Прафесар і Пісьменнік разважаюць аб сваім жыцці і чаго яны хочуць ад Пакоя. Пісьменнік вырашае, што Прафесар ідзе за Нобелеўскай прэміяй, але сам Пісьменнік так і не можа зразумець сваіх жаданняў.

Пераадолеўшы ўсе пасткі, героі дабіраюцца да Пакоя. Аказваецца, што Прафесар пранёс з сабой партатыўную атамную бомбу магутнасцю 20 кілатон. Ён хоча пазбавіць чалавецтва ад пагрозы ажыццяўлення небяспечных падсвядомых жаданняў. Сталкер спрабуе адабраць бомбу, але ўмешваецца Пісьменнік і ўвесь час адштурхоўвае Сталкера ад Прафесара. У выніку Сталкер пераконвае Прафесара, што знішчаць Пакой нельга, бо ў людзей павінна быць месца, дзе яны могуць марыць. Прафесар абясшкоджвае і выкідвае бомбу. Героі не наважваюцца ўвайсці ў Пакой. Пераначаваўшы, яны сыходзяць назад.

Пасля вяртання становіцца зразумела, што паход у Зону змяніў іх, нягледзячы на недасягнутую мэту.

Сталкер кажа жонцы, што ніхто не верыць у магчымасці Пакоя, і вырашае не вадзіць людзей у Зону.

У ролях

• Аляксандр Кайданоўскі — Сталкер
• Мікалай Грынько — Прафесар (агучвае Сяргей Якаўлеў)
• Анатоль Саланіцын — Пісьменнік
• Аліса Фрэйндліх — жонка Сталкера
• Уладзімір Заманскі
• Наташа Абрамава — дачка Сталкера
• Файме Юрно — дама за рулём

Здымачная група

• Аўтары сцэнарыя: браты Стругацкія; Андрэй Таркоўскі (у тытрах фільма — Зубкоў)
• Рэжысёр: Андрэй Таркоўскі
• Аператар: Аляксандр Княжынскі
• Мастак-пастаноўшчык: Андрэй Таркоўскі
• Мастак-дэкаратар: Рашыд Сафіулін
• Кампазітар: Эдуард Арцем'еў
• Гукарэжысёр: Уладзімір Шарун
• Мантаж: Людміла Фейгінава
• Дырэктар фільма: Аляксандра Дзямідава
• Дырэктар фільма: Вілі Геллер
• Асістэнт Таркоўскага: Марыя Чугунова
• Дублёр: Алег Фёдараў