Станіслаў Сяргеевіч Сазановіч

Станіслаў Сазановіч
Агульная інфармацыя
Поўнае імя	Станіслаў Сяргеевіч Сазановіч
Нарадзіўся	6 сакавіка 1992(1992-03-06) (25 гадоў) Стары Востраў, Акцябрскі сельсавет, Клічаўскі раён, Магілёўская вобласць, Беларусь
Грамадзянства	Беларусь
Рост	183 см
Вага	75 кг
Пазіцыя	абаронца
Інфармацыя пра клуб
Клуб	Гомель
Нумар	72
Кар'ера
Клубная кар'ера*
2010	Зорка-БДУ (Мінск)	10 (0)
2010	→  Гомель	9 (1)
2011 —	Гомель	76 (1)
2012	→  Ведрыч-97 (Рэчыца)	25 (1)
2014	→  Нафтан (Наваполацк)	5 (0)
Нацыянальная зборная**
2008 — 2009	Беларусь (да 17)	4 (0)
2012 — 2013	Беларусь (да 21)	12 (1)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 16.11.2016. ** Колькасць гульняў і галоў за нацыянальную зборную ў афіцыйных матчах, адкарэктавана станам на 20.11.2013.

Станіслаў Сяргеевіч Сазановіч (нар. 6 сакавіка 1992) — беларускі футбаліст, абаронца клуба «Гомель».

Кар'ера

Клубная

Пачаў кар'еру ў мінскай «Зорцы-БДУ», дзе быў іграком асновы. Улетку 2010 перайшоў у арэнду ў «Гомель», які на той час гуляў у Першай лізе. Па заканчэнні сезону 2010 быў выкуплены гомельскім клубам.

У 2011 гуляў за дубль «Гомеля», а сезон 2012 правёў у арэндзе ў рэчыцкім «Ведрычы-97», дзе быў іграком асновы.

У сезоне 2013 вярнуўся з арэнды і стаў іграком асновы «Гомеля». Звычайна гуляў на пазіцыі левага абаронцы, дзе чаргаваўся з Сяргеем Кандрацьевым.

У студзені 2014 быў аддадзены ў арэнду ў наваполацкі «Нафтан». У «Нафтане» гуляў галоўным чынам за дубль, за аснову згуляў у 5 матчах, дзе найчасцей выкарыстоўваўся на пазіцыі правага паўабаронцы.

У ліпені 2014 вярнуўся ў «Гомель». Неўзабаве замацаваўся ў складзе ў якасці асноўнага правага абаронцы. У снежні 2014 падоўжыў кантракт з гамяльчанамі. Па выніках сезону 2015 «Гомель» зноў апынуўся ў Першай лізе, тым не менш Станіслаў паўторна падоўжыў пагадненне з клубам і па выніках сезону 2016 дапамог яму вярнуцца ў эліту.

Міжнародная

Выступаў за моладзевую зборную Беларусі.

Дасягненні

• Уладальнік Кубка Беларусі: 2011
• Пераможца Першай лігі чэмпіянату Беларусі (2): 2010, 2016

Статыстыка выступленняў

Сезон	Дывізіён	Клуб	Краіна	Матчы	Галы
2010 (1)	Д3	Зорка-БДУ		10	0
2010 (2)	Д2	Гомель		9	1
2011	дубль	Гомель		30	3
2012	Д2	Ведрыч-97		25	1
2013	Д1	Гомель		19	0
2014 (1)	Д1	Нафтан		5	0
2014 (2)	Д1	Гомель		12	0
2015	Д1	Гомель		22	0
2016	Д2	Гомель		23	1

Спасылкі

• Профіль на афіцыйным сайце «Гомеля»(руск.) 
• Профіль на сайце transfermarkt.de(ням.) 
• Профіль на сайце sports.ru(руск.) 
• Профіль на сайце soccerway.com (руск.) 
• Профіль на сайце teams.by(руск.) 
• Профіль на сайце pressball.by(руск.)