Старасвержанскі сельсавет

Старасвержанскі сельсавет

Краіна	Беларусь
Уваходзіць у	Стаўбцоўскі раён
Адміністрацыйны цэнтр	Стары Свержань
Афіцыйная мова	беларуская
Насельніцтва (2013)	3 036 (2-е месца)

Старасве́ржанскі сельсавет — адміністрацыйная адзінка ў складзе Стаўбцоўскага раёна Мінскай вобласці. Да 24 снежня 2011 г. насіў назву Залужскага сельсавета.

Знаходзіцца ў 6 км на паўночны захад ад Стоўбцаў. Праз тэрыторыю сельсавета праходзіць чыгунка Брэст - Мінск - Масква і аўтамагістраль Брэст - Масква.

Адміністрацыйны цэнтр (са студзеня 2012 г.) — аграгарадок Стары Свержань.

Гісторыя

Утвораны ў лютым 1940 г. у складзе Стаўбцоўскага раёну Баранавіцкай вобласці пад назвай Залужскага сельсавета. Адміністрацыйным цэнтрам да 24 снежня 2011 г. з'яўлялася вёска Залужжа.

З 1954 г. разам з усім Стаўбцоўскім раёнам адыйшоў да Мінскай вобласці.

1 красавіка 2010 г. ў выніку рэарганізацыі да сельсавета былі далучаныя наступныя населеныя пункты Новасвержанскага сельсавета:

• Дразды,
• Ператокі,
• Стары Свержань.

1 ліпеня 2013 г. межы сельсавета былі пашыраныя ў выніку далучэння да яго тэрыторыі часткі скасаванага Варацішчанскага сельсавета з наступнымі населенымі пунктамі:

• Асіпаўшчына,
• Варацішча,
• Вялікі Двор,
• Дзярэчынцы,
• Новая Вёска,
• Падлессе.

Населеныя пункты

На пачатак 2012 г. налічваў 13 населеных пунктаў, на пачатак 2014 г. (па выніках рэарганізацыі) - 19.

1. Асіпаўшчына,
2. Варацішча,
3. Вечатарова,
4. Віскачы,
5. Вялікі Двор,
6. Градкi,
7. Дзярэчынцы,
8. Дразды,
9. Залужжа,
10. Ініца,
11. Казейкі,
12. Новая Вёска,
13. Падлессе,
14. Ператокі,
15. Скамарошкі,
16. Слабодка,
17. Стары Свержань,
18. Суднікі,
19. Цвіркі.