Стары Бобр

Вёска Стары Бобр Краіна Беларусь Вобласць Мінская Раён Крупскі Сельсавет Бобрскі Каардынаты 54°22′44″ пн. ш. 29°18′10″ у. д. Першая згадка 1614 Ранейшыя назвы Забаброўе Насельніцтва ▼28 чал. (2011) Часавы пояс UTC+3 Тэлефонны код +375 1796 Паштовыя індэксы 222001 Аўтамабільны код 5 Стары Бобр на карце Беларусі ±

Стары́ Бобр (трансліт.: Stary Bobr, руск.: Старый Бобр) — вёска ў Крупскім раёне Мінскай вобласці. Уваходзіць у склад Бобрскага сельсавета. Папярэдняя назва — Забаброўе.

Гісторыя

Каля вёскі захаваліся курганныя могільнікі, якія сведчуць аб засяленні гэтай мясцовасці ў далёкай старажытнасці. Вядома з XVI стагоддзя, сяло, уласнасць Хадкевічаў. Пасля ў закладзе магната Станіслава Паца, 20 двароў. Пасля смерці Паца належала канцлеру Вялікага Княства Літоўскага Льву Сапегу, які перазаклаў яго свайму слузе Станіславу, а той — Кшыштафу Камару. У 1772 годзе 23 двары, уласнасць Агінскіх. У 1883 годзе ў складзе Бобрскай воласці, 49 двароў, 262 жыхары. У 1917 годзе 71 двор, 495 жыхароў. Асноўны занятак насельніцтва — колавы промысел. З 1924 года ў складзе Бобрскага сельсавета. У 1930-я гады вяскоўцы арганізавалі калгас «Чырвоны Бобр». На франтах Вялікай Айчыннай вайны загінулі 44 чалавекі. З 1960 года вёска ў скадзе саўгаса «Колас». На 1 студзеня 1998 года 28 гаспадарак, 47 жыхароў. Каля будынка клуба брацкая магіла 7 савецкіх воінаў, якія загінулі ў чэрвені 1944 года пры вызваленні вёскі ад нямецка-фашысцкіх захопнікаў. У 1959 годзе на магіле пастаўлены абеліск.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Стары Бобр на Radzima.net