Студэнцкае этнаграфічнае таварыства
| Студэнцкае этнаграфічнае таварыства | |
|---|---|
| Файл:SET.png | |
| Тып | грамадская арганізацыя |
| Год заснавання | 1998 г. |
| Размяшчэнне | |
| Ключавыя фігуры | Аляксей Глушко |
| Вэб-сайт |
set@ethno.by] |
Студэ́нцкае этнаграфі́чнае тавары́ства (СЭТ) – Рэспубліканская моладзевая грамадская арганізацыя, заснаваная ў жніўні 1998 г.
Арганізацыя акрэдытаваная пры ЮНЭСКА ў якасці эксперта па нематэрыяльнай культурнай спадчыне.[1]
Рада таварыства дзейнічае ў Мінску, дзе знаходзіцца офіс СЭТ, у Гродна, Віцебску і Магілёве існуюць суполкі-філіялы.
Мэты дзейнасці
Асноўныя мэты дзейнасці:
- захаванне, развіццё і забеспячэнне пераемнасці беларускай аўтэнтычнай культурнай традыцыі;
- захаванне і аднаўленне натуральнага асяроддзя існавання традыцыйнай этнічнай культуры, беларускага прыроднага і культурнага ландшафта.
Кірункі працы
Кірункі працы СЭТ:
- правядзенне этнаграфічных экспедыцый;
- правядзенне традыцыйных свят і абрадаў, удзел у святах, якія адбываюцца у аўтэнтычных асяродках;
- правядзенне летнікаў, гурткоў, майстар-класаў па народных рамёствах;
- навучанне традыцыйным спевам і танцам;
- правядзенне мастацкіх выставаў і фестываляў;
- выданне фальклорных матэрыялаў у выглядзе друкаваных выданняў і кампакт-дыскаў;
- правядзенне творчых сустрэч, лекцый, семінараў, стварэнне вучэбна-метадычнай літаратуры;
- правядзенне акцый экалагічнага характару, ахова ландшафтных і архітэктурных помнікаў;
- папулярызацыя традыцыйнай культуры ў СМІ;
- удзел у міжнародных фестывалях, святах, летніх школах.
Этнаграфічныя экспедыцыі
За час існавання РМГА «Студэнцкае этнаграфічнае таварыства» правяло больш за 20 этнаграфічных экспедыцый у розныя раёны Беларусі[2], стварыла ўласны навуковы архіў і этнаграфічныя калекцыі. Фальклорна-этнаграфічны архіў СЭТ налічвае каля 2 тыс. гадзін аўдыё- і відэазапісаў, 50 тыс. фотаздымкаў.[3]
|
|
|
|
|
Докшыцы-2012
Асноўнай тэрыторыяй экспедыцыі быў Докшыцкі раён, але таксама даследваліся памежныя часткі Вілейскага, Лагойскага і Мядзельскага раёнаў.
Асноўныя працы вяліся па зборы фальклорнага матэрыялу і звестак пра сакральную геаграфію. Разам з гэтым фіксаваліся самыя разнастайныя этнаграфічныя і краязнаўчыя звесткі. Сярод сабранай інфармацыі багата звестак з паўночна-заходніх вёсак Вілейшчыны - Даўгінаўскага краю.[4]
Горкі-2013
5-23 жніўня 2013 г. была праведзеная этнаграфічная экспедыцыя ў Горацкі раён Магілёўскай вобласці. Падчас экспедыцыі ўдзельнікі (агулам каля 20 чалавек) сабралі багаты песенны матэрыял (каля 500 песень і іх варыянтаў), правялі даследванне мясцовага тэкстылю і іншых рамёстваў. Сабраны матэрыял прадстаўлены ў выглядзе аўдыё- і відэазапісаў, больш як 6000 фотаздымкаў, этнаграфічных экспанатаў.[5]
Экспедыцыяй была ахоплена большая частка Горацкага раёна. Акрамя гэтага, удзельнікі правялі грунтоўнае даследванне памежных тэрыторыяў Краснінскага раёна Смаленскай вобласці (Расія). У Расіі праца праводзілася сумесна з аддзелам культуры Краснінскага раёна.[6]
Вілейка-2014
З 30 чэрвеня па 20 ліпеня 2014 г. плануецца правядзенне этнаграфічнай экспедыцыі ў Вілейскім раёне (Мінская вобласць). Тэматыка экспедыцыі - універсальная этнаграфічная.[7]
Масты-2014
З 04 па 24 жніўня 2014 г. плануецца правядзенне этнаграфічнай экспедыцыі ў Мастоўскі і Шчучынскі раёны (Гродзенская вобласць). Тэматыка экспедыцыі – універсальная этнаграфічная.[7]
Партнёры
РМГА „Студэнцкае этнаграфічнае таварыства“ супрацоўнічае з рознымі навукова-даследчымі і навучальнымі ўстановамі краіны: Навукова-асветніцкім цэнтрам БДПУ імя М.Танка, Інстытутам мастацтвазнаўства, этнаграфіі і фальклору НАНБ, Беларускім інстытутам праблемаў культуры, Беларускім дзяржаўным музеем народнай архітэктуры і побыту, установамі культуры ў рэгіёнах Беларусі, а таксама з моладзевымі арганізацыямі і фальклорнымі калектывамі Літвы, Латвіі, Польшчы, Расіі, Украіны, Эстоніі, Швецыі.
Ганаровыя сябры СЭТ
Спасылкі
Зноскі
- ↑ http://zviazda.by/2013/12/27041.html
- ↑ http://www.kimpress.by/index.phtml?page=2&id=9314
- ↑ http://belsat.eu/be/wiadomosci/a,16998,pry-unesco-upiershyniu-akredytavali-ghramadskuiu-arghanizatsyiu-z-bielarusi.html
- ↑ http://vialejka.info/3826-set-ekspiedycyja.html
- ↑ http://horki.info/navina/721.html
- ↑ http://www.smalensk.org/?p=1006
- ↑ а б http://by-ethno.livejournal.com/346215.html