Сымон Аляксеевіч Хурсік

Сымон Аляксеевіч Хурсік
Сымон Аляксеевіч Хурсік
Асабістыя звесткі
Дата нараджэння	31 студзеня (13 лютага) 1902
Месца нараджэння	Снусцік, Пагарэльская воласць, Ігуменскі павет, Мінская губерня, Расійская імперыя;
Дата смерці	31 сакавіка 1972 (70 гадоў)
Месца смерці	Караганда, Qaraghandy Qalasy[d], Карагандзінская вобласць, Казахская ССР, СССР;
Грамадзянства	БССР;
Альма-матар	Менскі беларускі педагагічны тэхнікум (1925); літаратурна-лінгвістычнае аддзяленне педагагічнага факультэта БДУ[d] (1930);
Месца працы	Полацкі веснік; Маладняк;
Прафесійная дзейнасць
Род дзейнасці	перакладчык, пісьменнік, паэт
Мова твораў	беларуская
Грамадская дзейнасць
Член у	Маладняк;
	Творы ў Вікікрыніцах
	Медыяфайлы на Вікісховішчы

Сымон Аляксеевіч Хурсік (псеўданім: С. Багун; 31 студзеня (13 лютага) 1902, Снусцік, Пагарэльская воласць, Ігуменскі павет, Мінская губерня, Расійская імперыя — 31 сакавіка 1972(1972-03-31), Караганда) — беларускі празаік і перакладчык.

Біяграфія

Нарадзіўся ў сялянскай сям’і. Пасля заканчэння Менскага беларускага педагагічнага тэхнікума (1925) настаўнічаў у мястэчку Валынцы, у Полацку. Працаваў у рэдакцыі газеты «Чырвоная Полаччына». У 1930 годзе скончыў літаратурна-лінгвістычнае аддзяленне педагагічнага факультэта Беларускага дзяржаўнага ўніверсітэта.

Арыштаваны ДПУ БССР 19 ліпеня 1930 па сфабрыкаванай справе «Саюза вызвалення Беларусі» і асуджаны на 5 гадоў высылкі ў Іашкар-Алу. Працаваў настаўнікам у школах Марыйскай і Чувашскай АССР, Казахскай ССР.

У гады Другой сусветнай вайны ваяваў на 4-м Украінскім і 1-м Беларускім франтах, двойчы кантужаны. Пасля вайны зноў настаўнічаў. Другі раз быў арыштаваны 21 чэрвеня 1947 года і высланы ў пасёлак Айдабул Какчэтаўскай вобласці^[1].

Рэабілітаваны 13 кастрычніка 1958 года. З 1964 года жыў у Карагандзе.

Упершыню выступіў у друку з апавяданнем у 1924 (газета «Савецкая Беларусь»). Аўтар зборнікаў апавяданняў «Першы паўстанак» (1925), «Шляхамі навальніц» (1930) і аповесці «Чорны мост» (1929—1930, часопіс «Маладняк»).

Вершы Сымона Хурсіка друкаваліся ў газеце «Чырвоная Полаччына» (1926—1927).

Пасля зняволення да пісьменніцкай працы не вярнуўся.

Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 76. — 10 000 экз. — ISBN 985-11-0035-8. — ISBN 985-11-0279-2 (т. 17).
Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 461. — 703 с. — 10 000 экз.
Сымон Аляксеевіч Хурсік // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1995. — Т. 6. Таталаў — Яфімаў. Дадатак. — С. 205. — 684 с.; іл.. — ISBN 985-11-0022-6.