Сіма Герасімаўна Нісневіч

Сіма Герасімаўна Нісневіч
Дата нараджэння	2 лютага 1914(1914-02-02)
Месца нараджэння	Ігумен, Ігуменскі павет, Мінская губерня, Расійская імперыя
Дата смерці	5 сакавіка 1985(1985-03-05) (71 год)
Род дзейнасці	музыказнавец, педагог
Месца працы	Беларуская дзяржаўная акадэмія музыкі Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковае званне	дацэнт (1974)
Альма-матар	БДУ (1936) Беларуская дзяржаўная кансерваторыя імя А. В. Луначарскага (1941)
Член у	Беларускі саюз кампазітараў

Сіма Герасімаўна Нісневіч (2 лютага 1914, г. Ігумен, цяпер Мінская вобласць — 5 сакавіка 1985) — беларускі музыказнавец, педагог. Сястра І. Г. Нісневіча.

Біяграфія

Скончыла ў 1936 годзе БДУ, у 1941 годзе Беларускую кансерваторыю па класе В. Залатарова, у 1944—1983 гадах выкладала ў ёй, з 1974 года дацэнт. У 1954—1957 гадах адначасова ў Інстытуце мастацтвазнаўства, этнаграфіі і фальклору АН Беларусі.

Член Беларускага саюза кампазітараў з 1944 года.

Навуковая дзейнасць

Даследавала гісторыю беларускай прафесійнай музыкі, яе сувязі з нацыянальным фальклорам. Складальнік «Хрэстаматыі па беларускай музычнай літаратуры» (т. 1—2, 1959—1961), музычнай часткі і аўтар уступных артыкулаў да зборнікаў «Жартоўныя песні» (1974), «Песні пра каханне» (1978) у шматтомнай серыі «Беларуская народная творчасць», аўтар падручніка «Беларуская музычная літаратура» (3-е выдынне, 1981), сааўтар «Гісторыі беларускай савецкай музыкі» (1971), «Гісторыі беларускай музыкі» (1976).

Творы

• Белорусская симфоническая музыка. Мн., 1959;
• Народный артист БССР Н. И. Аладов. Мн., 1959;
• В. А. Золотарев. Мн., 1964;
• Генрых Вагнер. Мн., 1969;
• Очерки по истории советской белорусской музыкальной культуры. 2 изд. Л., 1969 (разам з І. Г. Нісневічам);
• Да гісторыі збірання, вывучэння і выкарыстання беларускіх народных напеваў // Музыка нашых дзён. Мн., 1971;
• Яўген Цікоцкі. Мн., 1972;
• Белорусская народная песня в симфоническом творчестве национальных композиторов (20—30-е гг.) // Вопросы теории и истории музыки. Мн., 1976;
• Некоторые принципы использования национального фольклора в белорусской профессиональной музыке // Музыкальная культура БССР. Мн., 1977.

Літаратура

• Р. М. Аладава. Нісневіч Сіма Герасімаўна // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 350. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Нісневіч Сіма Герасімаўна на сайце анлайн-энцыклапедыі «Беларусь у асобах і падзеях»