Тафільдыя[3] (Tofieldia) — род кветкавых раслін сямейства тафільдыевых. Каля 20 відаў. Пашыраны пераважна ва ўмеранай зоне Еўразіі і Паўночнай Амерыкі. На Беларусі 1 від — тафільдыя чашачкавая (Tofieldia calyculata), занесеная ў Чырвоную кнігу. Трапляецца ў хмызняках, на нізінных лугах, мохавых балотах.
Шматгадовыя травяністыя карэнішчавыя расліны вышынёй 20-40 см. Сцёблы прамастойныя. 1-3 паменшанымі лісцінкамі. Прыкаранёвае лісце ў разетцы, вузкалінейнае, мечападобнае. Кветкі дробныя, жаўтавата-белыя, сабраныя ў густую верхавінкавую гронку. Плод — каробачка.
Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).
