Таццяна Аляксандраўна Ждановіч

З пляцоўкі Вікіпедыя
Jump to navigation Jump to search
Таццяна Аляксандраўна Ждановіч
Пухавіцкі раённы краязнаўчы музей. Экспазіцыя музея.jpg
Імя пры нараджэнні Таццяна Аляксандраўна Яўсейчык
Род дзейнасці урач
Дата нараджэння 22 сакавіка 1918(1918-03-22)
Месца нараджэння
Дата смерці 7 сакавіка 1998(1998-03-07) (79 гадоў)
Месца смерці
Альма-матар
Узнагароды і прэміі

Таццяна Аляксандраўна Ждановіч (22 сакавіка 1918, в. Талька, Пухавіцкі раён — 7 сакавіка 1998, Мінск) — беларускі медык. Заслужаны ўрач БССР (1960).

Біяграфія[правіць | правіць зыходнік]

Пухавіцкі раённы краязнаўчы музей. Экспазіцыя музея.

Яе бацькі простыя сяляне. Бацька — Аляксандр Іванавіч Яўсейчык нарадзіўся ў 1888 годзе каля Блоні, закончыў Ігуменскае 4-класнае народнае вучылішча, працаваў памочнікам ляснічага Цэльскага лясніцтва, памёр у 1958 годзе. Маці — Агрыпіна Мікалаеўна Яўсейчык (нар. 1889) была хатняй гаспадыняй, памерла на 94-м годзе жыцця.

Таццяна Аляксандраўна вучылася ў Талькаўскай школе, якую скончыла ў 1934 годзе. У 1935 годзе паступіла ў Мінскі медыцынскі інстытут. У 1940 годзе па заканчэнні інстытута працавала ў Мінску ўрачом. Выйшла замуж за Ждановіча Аляксандра, які быў родам з Талачынскага раёна Віцебскай вобласці. У тым жа годзе ў іх нарадзіўся сын Яўген. Летам 1941 года Аляксандр паспяхова абараніў кандыдацкую дысертацыю ў політэхнічным інстытуце, маладыя спецыялісты збіраліся ехаць у Акадэмію навук у Маскву. Але пачалася вайна, і мужа выклікалі ў ваенкамат. Памёр Аляксандр пад Смаленскам.

Адразу як пачалася вайны Таццяна Аляксандраўна з сынам пераехала з Мінска ў Тальку да бацькоў. У час вайны маладая доктарка лячыла людзей, дапамагала партызанам: перадавала медыкаменты. Вясной 1943 г. была арыштавана па падазрэнню ў сувязі з партызанамі і знаходзілася ў гестапа горада Асіповічы.

Пасля вайны Таццяна ў 1945 годзе выйшла замуж за Фёдара Іосіфавіча Панчоху (нар. 1913), у іх нарадзілася двое дзяцей: Людміла (1946 год) і Уладзімір (1949 год). Працавала ўрачом у Лапіцкай бальніцы Асіповіцкага раёна Магілёўскай вобласці.

У 1948 годзе Таццяна пераяжджае ў Тальку, у хату бацькоў, дзе працуе ўрачом Талькаўскага спецыяльнага дзіцячага дома. З 1950 года працавала загадчыцай Талькаўскай участковай бальніцы.

У 1980 годзе Таццяна Аляксандраўна перанесла інфаркт, а пасля інсульт. Па гэтай прычыне пераехала ў Мінск, дзе памерла ў 1998 годзе[1][2].

Узнагароды[правіць | правіць зыходнік]

У 1960 годзе ёй прысвоена званне заслужанага ўрача БССР — за заслугі ў галіне аховы здароўя. Падзяка за добрую працу (1960). У 1984 годзе была ўстаноўлена персанальная пенсія рэспубліканскага значэння ў размеры 132 рублі. Была ўзнагароджана Ганаровымi граматамi Вярхоўнага Савета Мiнiстэрства аховы здароўя БССР i СССР. Узнагароджана медалём «За працоўную азднаку».

Цікавыя факты[правіць | правіць зыходнік]

Мемарыяльная дошка ў памяць пра Якуба Коласа, які жыў калісьці ў Тальцы.
  • У хаце Яўсейчыкаў (бацькоў Таццяны) летам 1933 i 1934 адпачываў Якуб Колас, дзе да яго прыязджалі такія вядомыя пісьменнікі, як З. Бядуля, П. Броўка, П. Глебка. Разам з Якубам Коласам Таццяна хадзіла ў грыбы і добра ведала яго сям’ю. У тыя часы, калі Таццяна Аляксандраўна вучылася ў інстытуце, жыла ў яго на кватэры ў Мінску. У 1985 г. да яе ў госці прыязджаў старэйшы сын Якуба Коласа — Даніла Міцкевіч[3].
  • Пры Талькаўскай участковай бальніцы быў артыстычны гурток у якім была і Таццяна. Ён ставіў спектаклі ў Талькаўскім клубе:"Несцерка" і «Паўлінка». Ездзілі з канцэртамі ў Мар’іну Горку і па розных вёсках, дзе Таццяна Аляксандраўна чытала лекцыі пра медыцыну, а пасля лекцыі ігралі спектакль, спявалі[4][5].
  • У Пухавіцкім раённым краязнаўчым музеі ёсць экспазіцыя прысведчаная Таццяна Аляксандраўна Ждановіч.

Зноскі

Літаратура[правіць | правіць зыходнік]

  • Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9
  • Ільініч Н. В. «ТАЛЬКА І НАВАКОЛЛІ» —Мн., 2004 г.
  • Гурин Н. А., Злобич А. И. Пуховщина помнит… Воспоминание о войне и последующих годах. Книга 3 Минск А. Н. Вараксин 2006 г. 312+16 с.с., фотографии обложка, обычный формат. (ISBN 985-6822-19-X / 985682219).