Уладзімір Іванавіч Агіевіч

Уладзімір Іванавіч Агіевіч
Уладзімір Іванавіч Агіевіч
Асабістыя звесткі
Дата нараджэння	13 (26) верасня 1910
Месца нараджэння	Пухавічы, Мазырскі павет, Мінская губерня, Расійская імперыя;
Дата смерці	2 кастрычніка 1952 (42 гады)
Месца смерці	Мінск, БССР, СССР;
Пахаванне	Вайсковыя могілкі;
Грамадзянства	Расійская імперыя; Украінская дзяржава; БНР; СССР;
Альма-матар	МДУ імя А. А. Куляшова (1937);
Месца працы	Слуцкае педагагічнае вучылішча[d]; БДПУ; Беларусь;
Прафесійная дзейнасць
Род дзейнасці	літаратуразнавец, перакладчык, паэт, літаратурны крытык, выкладчык універсітэта
Мова твораў	беларуская
Грамадская дзейнасць
Член у	Саюз пісьменнікаў СССР;
	Творы ў Вікікрыніцах

Уладзімір Іванавіч Агіевіч (26 верасня 1910, в. Пухавічы, Мазырскі павет, Мінская губерня — 2 кастрычніка 1952) — беларускі літаратурны крытык і літаратуразнаўца, паэт, перакладчык^[1].

Біяграфія

Нарадзіўся 26 верасня 1910 года ў в. Пухавічы Мазырскага павета Мінскай губерні (цяпер — Жыткавіцкі раён Гомельскай вобласці) ў сялянскай сям’і.

У 1929—1933 гадах працаваў настаўнікам у сельскай школе. Скончыў літаратурны факультэт Магілёўскага педагагічнага інстытута (1937)^[1], у 1937—1939 гадах — выкладчык у Слуцкім педагагічным вучылішчы. Вучыўся ў аспірантуры пры АН БССР (1937—1941), выкладаў гісторыю беларускай літаратуры ў мінскіх ВНУ. Удзельнік Вялікай Айчыннай вайны^[1], быў паранены. У 1943—1946 гадах — навуковы сакратар аддзялення грамадскіх навук АН БССР^[1]. Член Саюза пісьменнікаў СССР (з 1946). Працаваў выкладчыкам беларускай літаратуры ў Мінскім педагагічным інстытуце, літкансультантам у СП БССР, рэдактарам аддзела часопіса «Беларусь».

Памёр 2 кастрычніка 1952 года. Пахаваны ў Мінску на Вайсковых могілках.

Творчасць

Дэбютаваў вершамі ў 1928 годзе^[1]. Як крытык выступаў з 1941 года. Вылучаюцца яго артыкулы пра творчасць Я. Купалы і Я. Коласа, пра пасляваенную беларускую паэзію^[1]. Склаў падручнікі (разам з І. Кудраўцавым): «Кніга для чытання ў 2 класе школ рабочай і сельскай моладзі» (1952), «Кніга для чытання ў 3 класе школ рабочай і сельскай моладзі» (1952). Лепшыя крытычныя працы сабраны ў кнізе «Літаратура і жыццё» (1954)^[1].

Пераклаў на беларускую мову аповесць М. Прыляжаевай^[ru] «З табой таварышы» (1950).

Сям’я

Сын — Уладзімір Уладзіміравіч Агіевіч (1938—2014), беларускі філосаф.
Сын — Валерый Уладзіміравіч Агіевіч.

Зноскі

↑ ^а ^б ^в ^г ^д ^е ^ё т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

Літаратура

Агіевіч Уладзімір // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
Агіевіч Уладзімір // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.

[БС-1] а ^б ^в ^г ^д ^е ^ё т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.

[1]