Уладзімір Ільіч Жарэла

Уладзімір Ільіч Жарэла
Нараджэнне	19 сакавіка 1949(1949-03-19) (75 гадоў) Лозкі, Нахаўскі сельсавет, Васілевіцкі раён, Палеская вобласць, БССР, СССР
Адукацыя	БелДУТ Аршанскі каледж БелДУТ
Дзейнасць	палітык, інжынер
Месца працы	БЧ
Узнагароды	Ганаровая грамата Нацыянальнага сходу Рэспублікі Беларусь

Уладзімір Ільіч Жарэла (нар. 19 сакавіка 1949, в. Лозкі Калінкавіцкага раёна Гомельскай вобласці) — беларускі чыгуначнік і палітык.

Біяграфія

Скончыў Аршанскі каледж транспарту, Беларускі інстытут інжынераў чыгуначнага транспарту (інжынер шляхоў зносін па эксплуатацыі чыгункі).

Працоўную дзейнасць пачаў дзяжурным па станцыі Іўдзель Сяроўскага аддзялення Свярдлоўскай чыгункі. Служыў у радах Узброеных Сіл. Працаваў дзяжурным па станцыі Калінкавічы, начальнікам станцый Уза, Таўкачоўскі, Жыткавічы, намеснікам начальніка станцыі Калінкавічы Гомельскага аддзялення, начальнікам станцыі Лунінец Баранавіцкага аддзялення, начальнікам станцыі Віцебск Віцебскага аддзялення, начальнікам Магілёўскага аддзялення, начальнікам Брэсцкага аддзялення Беларускай чыгункі. Займаў пасады першага намесніка Начальніка, Начальніка Беларускай чыгункі.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны ордэнам Пашаны, Ганаровай граматай Нацыянальнага сходу Рэспублікі Беларусь.