Уладзімір Васілевіч Струмінскі

Уладзімір Васілевіч Струмінскі
Дата нараджэння	16 (29) красавіка 1914
Месца нараджэння	Арэнбург, Арэнбургская губерня, Расійская імперыя
Дата смерці	22 лютага 1998(1998-02-22) (83 гады)
Месца смерці	Масква, Расія
Месца пахавання	Траякураўскія могілкі
Грамадзянства	СССР  Расійская імперыя  Расія
Бацька	Васіль Якаўлевіч Струмінскі[d]
Дзеці	Барыс Уладзіміравіч Струмінскі[d]
Род дзейнасці	навуковец
Навуковая сфера	аэрадынаміка
Месца працы	Цэнтральны аэрагідрадынамічны інстытут[d] Інстытут тэарэтычнай і прыкладной механікі імя С. А. Хрысціяновіча СА РАН[d] Маскоўскі фізіка-тэхнічны інстытут Новасібірскі дзяржаўны ўніверсітэт Інстытут праблем механікі РАН[d]
Навуковая ступень	доктар фізіка-матэматычных навук
Навуковае званне	акадэмік АН СССР[d] акадэмік РАН[d]
Альма-матар	фізічны факультэт МДУ[d]
Навуковы кіраўнік	Міхаіл Аляксандравіч Леантовіч[d] і Сяргей Ціханавіч Канабееўскі[d]
Вядомыя вучні	Viktor Kozlov[d]
Член у	Расійская акадэмія навук Акадэмія навук СССР
Прэміі
Узнагароды

Уладзімір Васілевіч Струмі́нскі (руск.: Владимир Васильевич Струминский; 29 красавіка 1914 — 22 лютага 1998) — савецкі і расійскі вучоны ў галіне аэрадынамікі, лятальных апаратаў і тэарэтычных асноў самалётабудавання, акадэмік Акадэміі навук СССР (1966), Герой Сацыялістычнай Працы (1990).

Біяграфія

Нарадзіўся ў Арэнбургу ў сям’і настаўніка. У 1925 годзе сям’я Струмінскіх пераехала ў Казань. Тут Уладзімір Струмінскі скончыў сямігадовую школу і працаваў слесарам, токарам на машынабудаўнічых заводах Казані. У 1931 годзе прыехаў у Маскву і працаваў токарам на заводзе «Дынама». Скончыў рабфак пры заводзе. У 1933 годзе паступіў на фізічны факультэт Маскоўскага ўніверсітэта, які скончыў у 1938 годзе з чырвоным дыпломам. Па рэкамендацыі навуковага кіраўніка дыпломнага праекта акадэміка М. А. Леантовіча паступіў у аспірантуру Інстытута фізікі Маскоўскага дзяржаўнага ўніверсітэта. Кандыдацкую дысертацыю «К электронной теории твёрдых тел. Квантовомеханический расчёт упорядоченной бета-латуни» (пад кіраўніцтвам С. Ц. Канабееўскага) падрыхтаваў датэрмінова ў канцы 1940 года і абараніў яе. У маі 1941 года У. В. Струмінскі накіраваны ў Цэнтральны аэрагідрадынамічны інстытут (ЦАГІ), дзе працаваў да 1966 года. У пачатку 1950-х гадоў Уладзімір Васільевіч быў прызначаны намеснікам начальніка ЦАГІ па аэрадынаміцы і кіраўніком асноўнай аэрадынамічнай лабараторыі № 2. У 1947 годзе пачаў выкладаць у Маскоўскім фізіка-тэхнічным інстытуце, арганізаваў у ім кафедру гетэрагенных асяроддзяў. У 1966—1971 гадах займаў пасаду дырэктара Інстытута тэарэтычнай і прыкладной механікі Сібірскага аддзялення Акадэміі навук СССР. Выкладаў у Новасібірскім дзяржаўным універсітэце. У 1971—1977 гадах У. В. Струмінскі загадваў аддзелам фізічнай аэрамеханікі ў Інстытуце праблем механікі Акадэміі навук СССР, у 1977—1989 гадах сектарам механікі неаднародных асяроддзяў (пазней аддзел механіка-матэматычных метадаў у тэхналогіі і эканоміцы) Акадэміі навук СССР.

Памёр У. В. струмінскі 22 лютага 1998 года. Пахаваны ў Маскве на Траякураўскіх могілках.

Навуковая дзейнасць

У. В. Струмінскаму належаць навуковыя працы па нелінейнай тэорыі ўстойлівасці, дынамічнай тэорыі турбулентнасці, кінетычнай тэорыі газаў, паляпшэнню лётных дадзеных самалётаў і інш. Стварыў тэорыі слізгальных і стрэлападобных крылаў. Ініцыятар даследаванняў па выкарыстанні вадароду ў якасці паліва ў авіяцыі паветрана-касмічнай тэхніцы. Ажыццявіў цыкл эксперыментальных і тэарэтычных работ па аэрадынамічных даследаваннях абцякання крылаў канчатковага размаху, даследаваннях памежнага пласта.

Літаратура

• Струмі́нскі Уладзімір Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 212. — 10 000 экз. — ISBN 985-11-0035-8. — ISBN 985-11-0251-2 (т. 15).
• Струминский Владимир Васильевич // Авиация: Энциклопедия / Главный редактор Г. П. Свищёв. — М.: Науч. изд-во «Большая рос. энцикл.»: ЦАГИ им. Н. Е. Жуковского, 1994. — 736 c.: ил. — ISBN 5-85270-086-X. (руск.)
• Струминский Владимир Васильевич // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Академик В. В. Струминский (1914—1998) (биографический очерк) Архівавана 6 ліпеня 2010. // Институт теоретической и прикладной механики: годы, люди, события / ИТПМ СО РАН; Отв. ред. А. М. Харитонов. — Новосибирск: Изд-во СО РАН, 2000. — С. 135—141: ил., портр. (руск.)
• Владимир Васильевич Струминский (к столетию со дня рождения) // Прикладная математика и механика, том 78. Вып. 2, 2014. (руск.)

Спасылкі

• Профіль Уладзіміра Васілевіча Струмінскага на афіцыйным сайце РАН (руск.) (Праверана 7 чэрвеня 2023)
• Струминский Владимир Васильевич // Летопись Московского университета (руск.) (Праверана 7 чэрвеня 2023)
• Струминский Владимир Васильевич Архівавана 7 чэрвеня 2023. // Музей гісторыі Новасібірскага дзяржаўнага ўніверсітэта (руск.) (Праверана 7 чэрвеня 2023)
• Бетяев С. К. По ту сторону звукового барьера. К 90-летию со дня рождения академика В. В. Струминского // Библиотека VIVOS VOCO (руск.) (Праверана 7 чэрвеня 2023)
• Струминский Владимир Васильевич (руск.) (Праверана 7 чэрвеня 2023) // Сайт ЦАГІ
• Струминский Владимир Васильевич // Российский государственный архив в г. Самаре Архівавана 7 чэрвеня 2023. (руск.) (Праверана 7 чэрвеня 2023)
• Струминский Владимир Васильевич // История МАИ (руск.) (Праверана 7 чэрвеня 2023)
• Государственная публичная научно-техническая библиотека Сибирского отделения Российской академии наук (руск.) (Праверана 7 чэрвеня 2023)