Уладзімір Міхайлавіч Ткач

Уладзімір Міхайлавіч Ткач
Дата нараджэння	27 мая 1956(1956-05-27) (68 гадоў)
Месца нараджэння	Мінск, БССР, СССР
Краіна	СССР  Беларусь
Альма-матар	Мінскі дзяржаўны музычны каледж імя М. І. Глінкі Беларуская дзяржаўная кансерваторыя імя А. В. Луначарскага (1982)
Месца працы	Нацыянальны акадэмічны народны аркестр Рэспублікі Беларусь імя І. Жыновіча[d]
Музычная дзейнасць
Прафесіі	музыкант, кампазітар, канцэртмайстар, аранжыроўшчык
Інструменты	баян[d]
Узнагароды

Уладзімір Міхайлавіч Ткач (нар. 27 мая 1956) — беларускі музыкант (баяніст), кампазітар, канцэртмайстар і аранжыроўшчык, Заслужаны артыст Рэспублікі Беларусь (2001).

Біяграфія

Нарадзіўся ў Мінску. Скончыў Мінскае дзяржаўнае музычнае вучылішча імя М. І. Глінкі, у 1982 годзе Беларускую дзяржаўную кансерваторыю па класу баяна. У 1982—1984 гадах праходзіў службу ў Савецкай Арміі. Яшчэ ў час вучобы на чацвёртым курсе Беларускай кансерваторыі з 1980 года пачаў працу ў якасці рэгулятара групы баянаў Дзяржаўнага акадэмічнага народнага аркестра імя І. Жыновіча, з 1984 года — саліст, з 2011 года — канцэртмайстар групы баянаў. Адначасова з 1984 года У. М. Ткач у складзе трыа баяністаў пры аркестры.

Творчасць

У. М. Ткач аўтар шэрагу музычных твораў для аркестра і баяна з аркестрам. Сярод іх вальс-мазурка (1976), музычная карцінка «Ясь і Яніна» (1992), для дуэта гармонікаў у суправаджэнні аркестра «Гармонік-частушка» (2000), рапсодыя «Вочы чорныя» з аркестрам (2001), уверцюра «Святочны рэверанс» (2002), п’еса-экспромт «Натхненне» (2002), творы для трыа баяністаў «Карэла-фінская полька», «Вяртанне Рыа-Рыты», «Падэспань» і іншыя. Аўтар аранжыровак і канцэртных апрацовак народных мелодый.

У складзе аркестра У. Ткач гастраляваў у Індыі, Польшчы, Румыніі, краінах СНД, у складзе трыа баяністаў — у Швецыі і Фінляндыі.

Узнагароды і званні

• Заслужаны артыст Рэспублікі Беларусь (2001)
• Лаўрэат Міжнароднага фестываля «Пхеньянская вясна» ў КНДР (2005 год — Залаты кубак за 1-е месца), 2007 год — сярэбраная ліра за 2-е месца).

Літаратура

• Солапаў М. Р. Ткач Уладзімір Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 472—473. — 10 000 экз. — ISBN 985-11-0035-8. — ISBN 985-11-0251-2 (т. 15).
• Ткач Владимир Михайлович // Современное искусство Республики Беларусь: справочник персоналий / Сост. В. П. Прокопцова, Л. А. Густова-Рунцо, Т. Н. Бабич и др. — Мн.: БГУКИ, 2018. — С. 384. — 452 с. — 50 экз. — ISBN 978-985-522-195-2. (руск.)
• Экранная летопись музыкально-исполнительского искусства Беларуси : тематический каталог / М-во культуры Республики Беларусь, Белорус. гос. ун-т культуры и искусств; сост. и науч. ред. В. В. Старикова. — Мн. : БГУКИ, 2021. — С. 129. — 148 с. — ISBN 978-985-522-277-5. (руск.)

Спасылкі

• Выдающиеся выпускники цикловой комиссии «Инструменты народного оркестра (баян—аккордеон)» (руск.) // Мінскі дзяржаўны музычны каледж імя М. І. Глінкі
• Ткач Владимир Михайлович (руск.) // Нацыянальны акадэмічны народны аркестр Рэспублікі Беларусь імя І. Жыновіча