Франсуа Рэнэ дэ Шатабрыян

Франсуа Рэнэ дэ Шатабрыян
François-René, vicomte de Chateaubriand
Франсуа Рэнэ дэ Шатабрыян
Асабістыя звесткі
Дата нараджэння:	4 верасня 1768(1768-09-04)[…]
Месца нараджэння:	Сен-Мало, Каралеўства Францыя
Дата смерці:	4 ліпеня 1848(1848-07-04)[…] (79 гадоў)
Месца смерці:	Парыж, Францыя
Пахаванне:	tomb of Chateaubriand[d]
Грамадзянства:	Францыя
Жонка:	Céleste de Chateaubriand[d]
Прафесійная дзейнасць
Род дзейнасці:	пісьменнік дыпламат
Гады творчасці:	1797 — цяп. час
Кірунак:	рамантызм
Жанр:	раман, эсэ, мемуары і Аўтабіяграфія
Валодае мовамі:	французская мова
Мова твораў:	французская мова
Грамадская дзейнасць
Партыя	Легітымізм
Член у	Comité grec de Paris[d] Французская акадэмія Германскі археалагічны інстытут Баварская акадэмія навук[d] Варшаўскае таварыства сяброў навук[d] Амерыканскае антыкварнае таварыства[d] Chevaliers de la Foi[d]
Узнагароды:
Творы ў Вікікрыніцах
Выявы на Вікісховішчы
Цытаты ў Вікіцытатніку

Франсуа Рэнэ дэ Шатабрыян (фр.: François-René, vicomte de Chateaubriand; 4 верасня 1768, Сен-Мало — 4 ліпеня 1848, Парыж) — французскі пісьменнік і дыпламат, адзін з заснавальнікаў рамантызму ў французскай літаратуры.

Біяграфія

Нарадзіўся ў 1768 г. у брэтонскай дваранскай сям'і. Вучыўся ў Доле, Рэне і Дынане. У 1791 здзейсніў падарожжа ў Паўночную Амерыку. Падчас рэвалюцыі, вярнуўшыся ў Францыю, выступіў на баку каралеўскіх войскаў. У 1792—1800 знаходзіўся ў эміграцыі ў Англіі. Там ён напісаў і апублікаваў «Досвед аб рэвалюцыях» (1797), у якім крытычна ацэньваў рэвалюцыйныя падзеі ў Францыі.

Вярнуўшыся ў 1800 ў Францыю, ён апублікаваў раман «Атала, або Любоў двух дзікуноў ў пустыні» (1801), аповесць «Рэнэ, або Следства запалу» (1802) і трактат «Геній хрысціянства» (1802). Апошні з'явіўся натхнёнай апалогіяй хрысціянства, не дагматычнай або багаслоўскай, а паэтычнай спробай паказаць, «што з усіх рэлігій, што існавалі, хрысціянская — самая паэтычныя, самая людская, самая спрыяльная свабодзе, мастацтвам і навукам; сучасны свет абавязаны ёй усім, ад земляробства да абстрактных навук, ад бальніц для бедных да храмаў, узведзеных Мікеланджэла і упрыгожаных Рафаэлем; … яна апякуецца геніем, ачышчае густ, развівае высакародны запал, дае думцы сілу, паведамляе пісьменніку выдатныя формы і мастаку дасканалыя ўзоры».

У 1803 Шатабрыян па запрашэнні Напалеона стаў французскім дыпламатам у Рыме, але праз год, пасля забойства герцага Энгіенскага, дэманстратыўна сышоў у адстаўку. У 1811 ён быў абраны членам французскай Акадэміі, а ў 1815 стаў пэрам.

У 1809 выйшаў у свет яго раман «Пакутнікі», які працягвае развіваць ідэі «Генія хрысціянства» і апавядае аб першых хрысціянах. Для напісання рамана Шатабрыян здзейсніў падарожжа па Грэцыі і Блізкім Усходзе.

Пасля ўзыходжання Бурбонаў Шатабрыян працаваў паслом у Берліне (1821), Лондане (1822), і Рыме (1829), у 1823—1824 быў міністрам замежных спраў. У 1830, пасля падзення Бурбонаў, ён канчаткова сышоў у адстаўку.

Пасля смерці былі выдадзены яго мемуары — «Замагільныя запіскі».