Царква Святога Міхаіла (Брунары)
Царква | |
Царква Святога Міхаіла | |
---|---|
укр.: Церква Архангела Михаїла польск.: Cerkiew św. Michała Archanioła | |
49°32′02,60″ пн. ш. 21°01′57,25″ у. д.HGЯO | |
Краіна | Польшча |
Вёска | Брунары |
Канфесія | Рымска-каталіцкая царква |
Архітэктурны стыль | лемкаўскае дойлідства |
Дата заснавання | 1831 |
Дата пабудовы | XVIII ст. |
Статус | Сусветная спадчына ЮНЕСКА |
Матэрыял | драўніна |
Медыяфайлы на Вікісховішчы |
Царква Архангела Міхаіла — колішні грэка-каталіцкі храм у в. Брунары Гарліцкага павета Малапольскім ваяводства. Належыць да ўзораў класічнага лемкаўскага дойлідства[1].
У 2013 годзе храм уключаны ў спіс Сусветнай спадчыны ЮНЕСКА разам з іншымі драўлянымі цэрквамі ў Польшчы і Украіне.
Гістарычны агляд[правіць | правіць зыходнік]
Першая бажніца ў Брунарах з’явілася пасля 1616 года, калі ў вёсцы была заснавана ўніяцкая парафія. Новую царкву пабудавалі ў 1653 годзе, а цяперашнюю — у XVIII стагоддзі. У 1831 годзе яе перабудавалі і пашырылі. Былы прэзбітэрый аб’ядналі з нефам.
Пасля аперацыі «Вісла» ў 1947 годзе, калі лемкі былі пераселены на заходнія тэрыторыі Польшчы, храм стаў выкарыстоўвацца як касцёл.
Архітэктура[правіць | правіць зыходнік]
Драўляная царква адносіцца да лемкаўскага дойлідства XVII стагоддзя. Архітэктурная структура храма падзелена на тры квадраты: алтар, неф і бабінец. Усе вонкавыя элементы царквы пакрыты гонтам. Над бабінцам узвышаецца вежа. Кожная баня ўвянчана дэкаратыўнымі крыжамі.
Інтэр’ер[правіць | правіць зыходнік]
Унутры барочны іканастас XVIII стагоддзя. Захаваліся насценныя фрэскі XVIII — ХІХ стагоддзяў, наспісаныя ў сініх танах з вінаграднымі матывамі. Акрамя галоўнага алтара XVII стагоддзя ў царкве ёсць два бакавыя алтары XVIII стагоддзя, у якіх знаходзяцца каштоўныя ў мастацкім плане іконы Маці Божай і Праабражэння Гасподняга.
Зноскі
- ↑ Тарас Я. М. Лемківська школа народного храмового будівництва // Збірник матеріалів Всеукраїнської наукової конференції, присвяченої 65-річчю депортації українців з території Польщі на Східну Україну. — Луганськ, 2010. — С. 42-43
Літаратура[правіць | правіць зыходнік]
- Тарас Я. М. Українська сакральна дерев’яна архітектура —Львів, 2006 — С. 235—238.
- Malinowscy G. i Z., Marciniszyn E. i P. . Ikony i cerkwie. Tajemnice łemkowskich świątyń, Carta Blanca, Warszawa 2009.
Спасылкі[правіць | правіць зыходнік]
Сусветная спадчына ЮНЕСКА, аб’ект № 1424 рус. • англ. • фр. |
- На Вікісховішчы ёсць медыяфайлы па тэме Царква Святога Міхаіла (Брунары)