Чырвоны Араты (Бярэзінскі раён)
Вёска
Чырвоны Араты
  Чырвоны Араты  Чырвоны Араты |
Чырво́ны Ара́ты[1] (трансліт.: Čyrvony Araty, руск.: Чирвоный Аратый) — вёска ў Бярэзінскім раёне Мінскай вобласці. Уваходзіць у склад Капланецкага сельсавета.
Геаграфія
[правіць | правіць зыходнік]Знаходзіцца за 33 км на поўдзень ад горада Беразіно, за 140 км ад Мінска, каля ракі Бярэзіна (прыток Дняпра).
Бліжэйшая вёска — Міраслаўка, знаходзіцца на паўночны захад за 1,4 км ад цэнтра Чырвонага Аратага.
Транспарт
[правіць | правіць зыходнік]За 24 км ад чыгуначнага прыпыначнага пункта Тачанка на лініі Асіповічы — Магілёў.
Планіровачна складаецца з просталінейнай вуліцы шыротнай арыентацыі, забудаванай двухбакова, няшчыльна, драўлянымі дамамі сядзібнага тыпу.
Гісторыя
[правіць | правіць зыходнік]Згадваецца ў 1560 годзе як вёска ў Свіслацкай воласці ВКЛ[2]. У 1670 годзе згадваецца як фальварак Баратычы ў Аршанскім павеце Вялікага Княства Літоўскага[3]. Паводле перапісу 1897 года маёнтак меў 2 двары, 26 жыхароў, піцейную ўстанову.
Да 1920-х гадоў — маёнтак Барацічы[4], уласнасць памешчыка М. Шэмета.
У 1931 годзе арганізаваны калгас «Уперад». На франтах Вялікай Айчыннай вайны загінуў 1 вясковец. У 1980 годзе ў складзе калгаса «Беразіно» (цэнтр — в. Брадзец).
Да 21 снежня 2007 года вёска ўваходзіла ў склад Брадзецкага сельсавета[5]. З 2007 па 2013 год у складзе Сялібскага сельсавета[6].
Насельніцтва
[правіць | правіць зыходнік]Колькасць
[правіць | правіць зыходнік]- 2008 год — 14 гаспадарак, 22 жыхары
Дынаміка
[правіць | правіць зыходнік]- 1897 год — 2 двары, 26 жыхароў
- 1917 год — 6 гаспадарак, 35 жыхароў
- 1926 год — 2 двары, 5 жыхароў
- 1960 год — 91 жыхар
- 2003 год — 17 гаспадарак, 22 жыхары
Зноскі
- ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
- ↑ НГАБ у Мінску, ф. 1769, воп. 1, спр. 7, с. 178
- ↑ LVIA, f. 11, ap. 1, b. 747
- ↑ Сустракаюцца таксама варыянты Бяра́цічы (мн.), Біра́цічы (мн.)
- ↑ «Об упразднении Бродецкого, Высокогорского, Каменноборского, Ляжинского, Якшицкого сельсоветов и изменении границ Богушевичского, Капланецкого, Погостского, Поплавского, Селибского, Ушанского сельсоветов Березинского района». Решение Минского областного Совета депутатов от 21 декабря 2007 г. № 81 Архівавана 14 чэрвеня 2021. (руск.)
- ↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)
Спасылкі
[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
