Эдзі Рама

З пляцоўкі Вікіпедыя
Jump to navigation Jump to search
Эдзі Рама
Эдзі Рама
Edi Rama signature.svg
Прэм'ер-міністр Албаніі
з 15 верасня 2013
Прэзідэнт: Буяр Нішані
Папярэднік: Салі Берыша
Кіраўнік Сацыялістычнай партыі Албаніі
з 9 кастрычніка 2005
Папярэднік: Фатас Нана
Бурмістар Тыраны
кастрычнік 2000 — 25 ліпеня 2011
Папярэднік: Альберт Бройка
Пераемнік: Лулзім Баша
 
Партыя: Сацыялістычная партыя Албаніі[d]
Адукацыя: University of Arts (Albania)[d]
Дзейнасць: палітык, мастак, журналіст, баскетбаліст
Месца працы: Гарвардскі ўніверсітэт
Веравызнанне: каталіцызм
Нараджэнне: 4 ліпеня 1963(1963-07-04) (55 гадоў)
Тырана
Бацька: Kristaq Rama[d]
 
Сайт: edirama.al
 
Аўтограф: Edi Rama signature.svg

Э́дзі Р́ама (4 ліпеня 1963, Тырана) — албанскі палітык, баскетбаліст, артыст і мастак. Міністр культуры і спорту ў 19982000 гг. Бурмістар Тыраны ў 20002011 гг. Кіраўнік Сацыялістычнай партыі Албаніі з кастрычніка 2005. Пасля пераможных для яго партыі парламенцкіх выбараў у 2013 годзе вылучаны на прэм’ера Албаніі, 15 верасня 2013 года заняў гэту пасаду.

Біяграфія[правіць | правіць зыходнік]

Мастацтва[правіць | правіць зыходнік]

Паводле адукацыі і прафесіі артыст і мастак. Напачатку 1990-х займаў пасаду прафесара мастацтва ў Албанскай Акадэміі мастацтва. У 1995 з’ехаў на вучобу ў Парыж. У 1997 падчас наведвання радзімы быў моцна збіты групай зламыснікаў[1].

Як прафесар Рама выдаў дзве кніжкі. Яго мастацкія працы былі прэзентаваны на шматлікіх выстаўках у краіне і за граніцай[2].

Удзел у палітыцы[правіць | правіць зыходнік]

У 1998 Рама вярнуўся з Парыжу ў Албанію на пахаванне бацькі, вядомага разьбяра. У Францыю больш не вярнуўся, бо прэм’ер Фатас Нана прапанаваў яму ў сваім кабінеце пасаду міністра культуры, моладзі і спорту, якую Рама займаў да 2000 года. Аднак сябрам Сацыялістычнай партыі Албаніі тады ён не стаў[1].

У кастрычніку 2000 прымаў удзел у мясцовых выбарах на пасаду бурмістра Тыраны як незалежны кандыдат, за падтрымкай Сацыялістычнай партыі Албаніі. Выйграў выбары, здабыўшы 55 % галасоў[2]. 13 кастрычніка 2003 быў пераабраны дзякуючы 61 % галасоў. У выбарах 18 лютага 2007 Рама трэці раз здабыў перамогу на пасаду бурмістра сталіцы[1].

Будынак у Тыране, размаляваны ў характэрныя колеры з ініцыятывы Рамы

Як бурмістар Тыраны вызначыўся ў змене выгляду і забудовы гораду. Ліквідаваў нелегальныя пабудовы ў межах сталіцы, паводле яго прапановы перафарбавалі фасады мноства будынкаў у характэрныя, яркія і рознакаляровыя колеры. Распрацаваў праект Хрыстос і Зеляніна, які надаў зеляніны і стварыў новую інфраструктуру гораду. У выніку гэтага плану з’явіліся амаль 97 тысяч м² новых паркаў. За сваю дзейнасць атрымаў у 2004 годзе тытул World Mayor 2004, а ў 2005 апынуўся ў спісе European Heroes 2005 часопіса Time[1][2].

У кастрычніку 2003 Рама стаў сябрам Сацыялістычнай партыі Албаніі. 9 кастрычніка 2005, пасля паражэння на выбарах, замяніў Фатаса Нана на пасадзе кіраўніка партыі[1]. 10 верасня 2013 атрымаў ад прэзідэнта Албаніі Буяра Нішані прапанову стварыць і ўзначаліць новы ўрад. Праз пяць дзён быў прызначаны на пасаду[3].

Зноскі

Спасылкі[правіць | правіць зыходнік]