Ядзвіга Ягелонка (герцагіня Ландсхут-Баварская)

Ядзвіга Ягелонка
Ядзвіга Ягелонка
	польск.: Jadwiga Jagiellonka ; ням.: Hedwig Jagiellonica
	1479 — 1502
Папярэднік	Амалія Саксонская (ням.)
Пераемнік	Кунігунда Аўстрыйская (нем.); (як герцагіня Баварская)
Нараджэнне	21 верасня 1457; Кракаў, Польскае Каралеўства;
Смерць	18 лютага 1502 (44 гады); Бурггаўзен[d], Баварска-Ландсхуцкае герцагства;
Род	Ягелоны
Бацька	Казімір IV Ягелончык
Маці	Лізавета Габсбург
Муж	Георг Багаты
Дзеці	Elisabeth of Bavaria[d] і Margarete von Bayern[d]
Веравызнанне	Каталіцкая Царква
	Медыяфайлы на Вікісховішчы

Ядзвіга Ягелонка (21 верасня 1457, Кракаў — 18 лютага 1502, Бургхаўзен) — польская прынцэса і літоўская князёўна з роду Ягелонаў, дачка караля Казіміра IV і Елізаветы Аўстрыйскай, жонка герцага Ландсхут-Баварскага Георга Багатага.

Раннія гады

Ядзвіга нарадзілася 21 верасня 1457 у Кракаве. Яна была другім дзіцем і старэйшай дачкой караля Польскага і вялікага князя Літоўскага Казіміра IV і Елізаветы Аўстрыйскай. У сям'і ўжо рос сын Уладзіслаў. Нованароджаную ахрысцілі ў Кракаўскім кафедральным саборы. Сваё імя дзяўчынка атрымала паводле традыцыі дому Ягелонаў: старэйшую дачку назвалі ў гонар каралевы Ядзвігі. Даных пра адукацыю дзяўчынкі не захавалася. На працягу наступных васямнаццаці гадоў у Ядзвігі з'явілася восем братоў і сясцёр. Яшчэ тры сёстры нарадзіліся, калі яна ўжо адбыла ў Баварыю.
У 1468 г. яе рукі дамагаўся кароль Венгрыі Мацьяш Хуньядзі. 8 красавіка 1468 у Кракаў прыбыў венгерскі пасланец - оламаўцкі біскуп Пратасі з Боскавіц ^[1]. Ён прапанаваў Казіміру IV гэты шлюб для ўмацавання будучага саюза, накіраванага супраць Іржы з Падэбрадаў. Сватаўство Мацьяша падтрымліваў Рымскі Папа Павел II. У той час Казімір IV знаходзіўся ў міры з каралём Іржы, да таго ж жонка Казіміра каралева Елізавета была катэгарычна супраць шлюбу Ядзвігі і Мацьяша. Мацьяшу Хуньядзі было адмоўлена. У наступным годзе ён быў выбраны каралём Чэхіі. Іржы з Падэбрадаў быў вымушаны шукаць прыстанішча ў Польшчы. Мацьяш ізноў прасіў сабе ў жонкі Ядзвігу і зноў атрымаў адмову.
20 кастрычніка 1470 годзе ў Грацы быў складзены дагавор паміж імператарам Фрыдрыхам III і каралём Казімірам IV. Сярод іншых было разгледжана і пытанне пра жаніцьбу сына Фрыдрыха Максіміліяна на дачцэ Казіміра Ядзвізе. Мацьяш Хуньядзі яшчэ двойчы спрабаваў жаніцца на Ядзвізе: у ліпені 1471 г. і верасні 1473 г. Абедзве яго прапановы былі адхілены.

Гл. таксама

Зноскі

↑ История всемирной литературы — Москва 1983—1994, т.3., с.437 // на сайте feb-web.ru (нявызн.).

Спасылкі

На Вікісховішчы ёсць медыяфайлы па тэме Ядзвіга Ягелонка (герцагіня Ландсхут-Баварская)

[1] История всемирной литературы — Москва 1983—1994, т.3., с.437 // на сайте feb-web.ru (нявызн.).

[1]