Яўген Сяргеевіч Козел

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Козел.
Футбол
Яўген Козел
Поўнае імя Яўген Сяргеевіч Козел
Нарадзіўся 22 лютага 2001(2001-02-22)[1] (23 гады)
Грамадзянства  Беларусь
Рост 194 см[2]
Вага 83 кг[2]
Пазіцыя нападнік
Інфармацыя пра клуб
Клуб Беларусь Хваля
Нумар 91
Маладзёжныя клубы
2014—2017 Беларусь Шахцёр (Салігорск)
Клубная кар’ера[* 1]
2017—2022 Беларусь Шахцёр (Салігорск) 1 (0)
2020 →  Латвія Тукумс 2000 0 (0)
2020 →  Беларусь Гарадзея 6 (0)
2021 →  Беларусь Спадарожнік (Рэчыца) 13 (2)
2022 →  Беларусь Дынама (Брэст) 11 (0)
2022 →  Беларусь Шахцёр (Петрыкаў) 6 (0)
2023 Беларусь Баранавічы 15 (5)
2024— Беларусь Хваля (Пінск)
Нацыянальная зборная[* 2]
2019 Беларусь Беларусь (да 19) 3 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 5 ліпеня 2020

Яўген Козел (нар. 22 лютага 2001, Столін) — беларускі футбаліст, нападнік пінскай «Хвалі».

Клубная кар’ера[правіць | правіць зыходнік]

Выхаванец Столінскай ДЮСШ, у 2014 годзе далучыўся да акадэміі салігорскага «Шахцёра». З 2017 года пачаў выступаць за дубль клуба, гуляў у Юнацкай лізе УЕФА. У чэрвені 2019 года быў на зборах з моладзевай камандай санкт-пецярбургскага «Зеніта»[3].

У сакавіку 2020 года разам з таварышам па камандзе Антонам Кавалёвым быў аддадзены ў арэнду латвійскаму клубу «Тукумс 2000»[4]. Аднак у сувязі з пандэміяй COVID-19 старт чэмпіянату Латвіі быў адкладзены. У ліпені 2020 года быў адкліканы, так і не згуляўшы ў Латвіі ніводнага матча, і далучыўся да «Гарадзеі»[5]. Дэбютаваў у Вышэйшай лізе 4 ліпеня 2020 года ў матчы супраць «Віцебска» (2:2), калі выйшаў на замену ў другім тайме. У далейшым трывала гуляў у асноўным складзе «Гарадзеі». У верасні 2020 года вярнуўся ў «Шахцёр»[6], дзе зноў стаў гуляць за дубль.

У пачатку 2021 года стаў трэніравацца з рэчыцкім «Спадарожнікам» і ў сакавіку быў аддадзены гэтаму клубу ў арэнду[7]. У складзе рэчыцкай каманды чаргаваў выхады ў стартавым складзе і на замену. У ліпені 2021 года, пасля таго як «Спадарожнік» зняўся з Вышэйшай лігі, вярнуўся з арэнды ў «Шахцёр»[8]. У ліпені і жніўні правёў 3 матчы за асноўны склад «Шахцёра» (2 у Кубку Беларусі 1 у чэмпіянаце), пасля чаго выступаў толькі за дубль.

У студзені 2022 года на правах арэнды далучыўся да брэсцкага «Дынама»[9], дзе чаргаваў выхады ў стартавым складзе і на замену. У ліпені 2022 года пакінуў брэсцкую каманду і быў заяўлены за петрыкаўскі «Шахцёр»[10].

У студзені 2023 года пакінуў петрыкаўскі клуб[11] і адправіўся на прагляд у «Баранавічы». У лютым 2023 года афіцыйна папоўніў склад баранавіцкай каманды[12]. У студзені 2024 года перайшоў у пінскую «Хвалю»[13].

Міжнародная кар’ера[правіць | правіць зыходнік]

У кастрычніку 2019 года гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Еўропы.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2017 дубль Шахцёр (Салігорск) Беларусь 12 3
2018 дубль Шахцёр (Салігорск) Беларусь 8 0
2019 дубль Шахцёр (Салігорск) Беларусь 18 7
2020 (1) Д1 Тукумс 2000 Латвія 0 0
2020 (сяр.) Д1 Гарадзея Беларусь 6 0
2020 (2) дубль Шахцёр (Салігорск) Беларусь 5 2
2021 (1) Д1 Спадарожнік Беларусь 13 2
2021 (2) Д1 Шахцёр (Салігорск) Беларусь 1 0
2022 (1) Д1 Дынама Беларусь 11 0
2022 (2) Д2 Шахцёр (Петрыкаў) Беларусь 6 0
2023 Д2 Баранавічы Беларусь 15 5

Крыніцы[правіць | правіць зыходнік]

  1. ↑ Evgeni Kozel // Transfermarkt — 2000.
  2. ↑ а б в http://fcvolna-pinsk.by/player/evgenij-kozel/
  3. ↑ Воспитанники «Шахтера» Козел и Лицкевич находятся на сборах с молодежной командой «Зенита» (руск.). by.tribuna.com.
  4. ↑ Антон Ковалев и Евгений Козел арендованы латвийским клубом «Тукумс 2000» (руск.). by.tribuna.com.
  5. ↑ "Шахтер" вернул двух игроков из аренды в латвийском "Тукумсе-2000" (руск.). football.by (3 ліпеня 2020). Праверана 24 студзеня 2024.
  6. ↑ «Городея» арендовала Соловья и Булычева у «Шахтера» и вернула «горнякам» Козела (руск.). by.tribuna.com.
  7. ↑ Речицкий "Спутник" арендовал четырех молодых футболистов солигорского "Шахтера" (руск.). Гомельская правда (11 сакавіка 2021). Праверана 24 студзеня 2024.
  8. ↑ "Шахтер" вернул Акинбуле в юрмальский "Спартак" и отправил Булычева в аренду в "Энергетик-БГУ" (руск.). football.by (16 ліпеня 2021). Праверана 24 студзеня 2024.
  9. ↑ Брестское "Динамо" арендовало нападающего у "Шахтера" (руск.). football.by (23 студзеня 2022). Праверана 24 студзеня 2024.
  10. ↑ Козел сменил брестское "Динамо" на петриковский "Шахтер" (руск.). football.by (25 ліпеня 2022). Праверана 24 студзеня 2024.
  11. ↑ Евгений Козел покинул "Шахтер" из Петрикова (руск.). football.by (19 студзеня 2023). Праверана 24 студзеня 2024.
  12. ↑ Игнат Мартюг и Евгений Козел подписали контракты с "Барановичами" (руск.). football.by (7 лютага 2023). Праверана 24 студзеня 2024.
  13. ↑ "Волна" представила трех новичков (руск.). football.by (24 студзеня 2024). Праверана 24 студзеня 2024.
Узята з "https://be.wikipedia.org/w/index.php?title=Яўген_Сяргеевіч_Козел&oldid=4664594"