Іван Андрэевіч Алісіевіч

Іван Андрэевіч Алісіевіч
Іван Андрэевіч Алісіевіч
Дата нараджэння	1899
Месца нараджэння	Мінская губерня, Расійская імперыя;
Род дзейнасці	навуковец
Месца працы	Беларускі дзяржаўны вышэйшы педагагічны інстытут; Гомельскі дзяржаўны ўніверсітэт імя Францыска Скарыны;
Навуковая ступень	кандыдат педагагічных навук (1955)
Альма-матар	Акадэмія камуністычнага выхавання імя Н. К. Крупскай[d] (1925);
Узнагароды

Іван Андрэевіч Алісіевіч (нар. 1899, Мінская губерня, Расійская імперыя — ?) — беларускі педагог, кандыдат педагагічных навук (1955).

Біяграфія

У 1919 годзе скончыў настаўніцкую семінарыю і працаваў настаўнікам, а потым загадчыкам валаснога аддзела народнага адукацыі. З 1921 па 1925 год вучыўся ў Акадэміі Камуністычнага выхавання імя Н. К. Крупскай у Маскве, па сканчэнню якой працаваў выкладчыкам у педтэхнікумах Гомля і Мінска. З 1931 года з’яўляўся навуковым працаўніком НДІ камуністычнага выхавання ў Мінску. З 1932 па 1933 год працаваў дэканам педфакультета Мінскага педінстытута. З 1933 года працаваў у Гомельскім педінстытуце ў якасці старшага выкладніка кафедры педагогікі, якую ўзначальваў з 1933 па 1935 год. Пэўны час працаваў намеснікам дырэктара па завочным навучанні. У гады Вялікай Айчыннай вайны знаходзіўся ў эвакуацыі ў Кіраўскай вобласці, дзе працаваў дырэктарам школы.

У 1944 годзе вярнуўся ў вызвалены Гомель і праводзіў працу па аднаўленні Гомельскага педінстытута, займаючы пасады старшага інспектара Упраўлення вышэйшай школы Народнага камісарыята асветы БССР, а потым в. а. дырэктара Гомельскага педінстытута.

У красавіку 1947 года на рэспубліканскай нарадзе кіраўнікоў кафедраў ВНУ БССР загадчык кафедры педагогікі Гомельскага педінстытута Алісіевіч І. А. выказаў занепакоенасць лёсам беларускай мовы. Гэтага было дастаткова, каб у маі 1947 года яго выступ абмяркоўваўся на адмысловым паседжанні бюро ЦК КП(б)Б і Алісіевічу І. А. было абвешчана строгае партыйнае спагнанне за няправільнае разуменне нацыянальнай палітыкі, якое было знята 29 снежня 1953 года.

У 1955 годзе у Маскоўскім дзяржаўным педагагічным інстытуце імя У. І. Леніна паспяхова абараніў дысертацыю на саісканне навуковай ступені кандыдата педагагічных навук на тэму «Педагагічныя пагляды Якуба Коласа». Працаваў на кафедры педагогікі Гомельскага педінстытута.

Узнагароды

Медаль «За доблесную працу ў Вялікай Айчыннай вайне 1941—1945 гг.»

Літаратура

М.И. СТАРОВОЙТОВ, А.И. ЗЕЛЕНКОВА, М.П. САВИНСКАЯ. ГОМЕЛЬСКИЙ ГОСУДАРСТВЕННЫЙ УНИВЕРСИТЕТ ИМЕНИ ФРАНЦИСКА СКОРИНЫ: ИСТОРИЧЕСКИЙ ОЧЕРК. — Гомель: УО «ГГУ им. Ф. Скорины», 2005. — 359 с.

Спасылкі