Амазаніт

Амазаніт
Формула	(K,Na)AlSi3O8
Прымесь	Pb
Сінгонія	трыклінная
Колер	блакітна-зялёны, бірузовы, зялёны
Колер рысы	белы
Бляск	шкляны, цьмяны
Празрыстасць	непразрысты
Цвёрдасць	6—6,5
Спайнасць	дасканалая
Злом	няроўны
Шчыльнасць	2,6 г/см³

Амазані́т, амазонскі камень — мінерал, разнавіднасць мікракліну, афарбаваная іонамі свінцу.

Уласцівасці

Крышталізуецца ў рамбічнай сінгоніі. Утварае крышталі, часцей зярністыя шчыльныя масы з альбітам, кварцам і інш. Бляск шкляны, цьмяны. Колер блакітна-зялёны, зялёны, бірузовы. Цвёрдасць 6—6,5 па шкале Моаса. Шчыльнасць 2,6 г/см³.

Паходжанне і радовішчы

Амазаніт трапляецца ў гранітах і гранітных пегматытах. На тэрыторыі Расіі быў знойдзены ў 1783 годзе ў Ільменскіх гарах каля горада Міяс на Урале горным інжынерам І. Ф. Германам.

Радовішчы амазаніту ў Расіі, ЗША, Аўстраліі, на Мадагаскары. Таксама радовішчы ў Індыі.

Выкарыстанне

Амазаніт выкарытоўваецца ў якасці вырабнога каменя. З яго вырабляюць упрыгожанні, мастацкія вырабы. Амазанітавы граніт выкарыстоўваецца ў якасці абліцовачнага матэрыяла.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1). — С. 303.
• Горная энциклопедия // Под редакцией Е. А. Козловского — М.: Советская энциклопедия, 1984—1991. (руск.)

Спасылкі

• Amazonite // Mindat.org (англ.)
• Амазонит // Кристаллов.net (руск.)
• Амазонит // Каталог Минералов. RU (руск.)