Карэйцы

Карэйцы
Саманазва	хангук сарам, часон сарам, каро сарам
Усяго: 81 000 000
Рэспубліка Карэя: 50 062 000 (2009) КНДР: 24 050 000 (2009) Кітай: 2 500 000 ЗША: 1 600 000 Японія: 590 000 тэрыторыя былога СССР: 500 000 Узбекістан 176 000 Расія 153,156 (2010) Казахстан 100 000 Кіргізія 19 000 Украіна 13 000 Канада: 223 000 Аўстралія: 200 000 Філіпіны: 115 000 В’етнам: 84 500 Бразілія: 48 000 Вялікабрытанія: 45 000 Інданезія:31 000 Германія: 31 000 Новая Зеландыя: 31 000 Аргенціна: 22 000 Тайланд: 20 000 Францыя:15 000 Малайзія: 14 500 Сінгапур: 13 500 Мексіка: 12 000
Этнічныя мовы	карэйскі
Традыцыйныя рэлігіі (канфесіі)	мала распаўсюджана, аднак ёсць хрысціянства, будызм, шаманізм, канфуцыянства, даасізм, чхандагё
Расавы тып	мангалоіды
Субэтнасы	Korean Chinese[d]

Карэйцы (кар.: 한국 사람, 조선 사람, 고려 사람) — асноўнае насельніцтва Карэйскага паўвострава. Размаўляюць на карэйскай мове. Існуе меркаванне, што насельніцтва Карэі — адно з найбольш аднастайных з этнічнага і моўнага пункту гледжання. Агульная колькасць карэйцаў у свеце — больш за 82,5 мільёны чалавек, з іх асноўная частка пражывае ў Рэспубліцы Карэя і КНДР. Найбольшыя карэйскія дыяспары існуюць у ЗША (больш за 2,6 млн чал., асноўныя гарады — Нью-Ёрк, Лос-Анжэлес, Чыкага, Х’юстан), Кітаі (амаль 2,5 млн чал., значная частка пражывае ў паўночных раёнах краіны), Японіі (амаль 1 млн чал., 40 % усіх жыхароў Японіі, што не належаць да тытульнай нацыі паводле паходжання).

Паводле антрапалагічнага тыпу належаць да ўсходнеазіяцкай галіны мангалоіднай расы. Шмат якія з пытанняў этнагенезу карэйцаў на сённяшні дзень застаюцца невысветленымі. Відавочна, у іх фарміраванні прымалі ўдзел этнічныя групы рознага паходжання, прычым вядучая роля належала групам, што гаварылі на протаалтайскай мове.

Сярод карэйцаў назіраецца нетыповая для іншых народаў аднастайнасць прозвішчаў — ва ўсёй папуляцыі ў актыўным ужытку прыблізна 250 прозвішчаў, этымалагічна звязаных з нацыянальнай гісторыяй і геаграфіяй. Большасць носьбітаў аднаго і таго ж прозвішча не з’яўляюцца крэўнымі сваякамі, але могуць належаць да аднаго і таго ж клану, ля вытокаў якога — агульны продак. Карэйскае імя звычайна двухскладовае, прозвішча — аднаскладовае. Жанчына, выходзячы замуж, пакідае сабе дзявочае прозвішча.

Асноўныя рэлігіі — вучэнне Канфуцыя, будызм, хрысціянства, шаманізм. Раней на Карэйскім паўвостраве панаваў будызм, але ў XIV стагоддзі ён страціў значэнне афіцыйнай рэлігіі. Вялікая колькасць карэйцаў, якія жывуць у КНДР, прытрымліваюцца атэістычных поглядаў.