Кацельня-Баярская (Гершонскі сельсавет)

Вёска Кацельня-Баярская Краіна Беларусь Вобласць Брэсцкая Раён Брэсцкі Сельсавет Гершонскі Каардынаты 52°02′14″ пн. ш. 23°41′17″ у. д. Насельніцтва 218 чал. (1999) СААТА 1212804021 Кацельня-Баярская на карце Беларусі ±

Кацельня-Баярская — былая вёска ў Брэсцкім раёне Брэсцкай вобласці, з 21 снежня 2007 года ў складзе Брэста.

Знаходзілася за 9 км на поўдзень ад чыгуначнай станцыі Брэст-Цэнтральны. На поўдзень ад вёскі былі меліярацыйныя каналы, на захад — дзяржаўная граніца з Польшчай.

Гісторыя

У 19 ст. вёска ў Камянец-Жыровіцкай воласці Брэсцкага павета Гродзенскай губерні. Адносілася да маёнтка Камяніца Біскупская.

Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства.

У Вялікую Айчынную вайну загінулі 4 вяскоўцы.

Уваходзіла ў склад Гершонскага сельсавета, з 21 снежня 2007 года ў складзе Брэста.

У складзе адкрытага акцыянернага таварыства «Агравіта» (цэнтр — в. Гершоны).

Планіроўка

Планіровачна складаецца з кароткай просталінейнай вуліцы, арыентаванай з паўднёвага ўсходу на паўночны захад і забудаванай двухбакова, няшчыльна драўлянымі сялянскімі хатамі.

Насельніцтва

• 1870 год — 111 рэвізскіх душ
• 1905 год — 222 жыхары
• 1921 год — 35 двароў, 191 жыхар
• 2005 год — 9 гаспадарак, 204 жыхары

Вядомыя асобы

• Сафроній (Юшчук) (нар. 1951) — епіскап Рускай Праваслаўнай Царквы

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.