Лоша (Уздзенскі раён)

Аграгарадок Лоша Краіна Беларусь Вобласць Мінская Раён Уздзенскі Сельсавет Слабадскі Каардынаты 53°25′49″ пн. ш. 27°24′47″ у. д. Насельніцтва 113 чал. (2009) Часавы пояс UTC+3 Тэлефонны код +375 1718 Паштовыя індэксы 223415 Аўтамабільны код 5 СААТА 6256813091 Лоша на карце Беларусі ±

Лоша на Вікісховішчы

Ло́ша (трансліт.: Loša) — аграгарадок ва Уздзенскім раёне Мінскай вобласці, на рацэ Лоша і беразе Лашанскага вадасховішча. Уваходзіць у склад Слабадскога сельсавета.

Да 2013 года Лоша была цэнтрам Лашанскага сельсавета. Размешчана на шашы Узда — Валяр'яны. За 16 км на ўсход ад Узды, 38 км ад чыгуначнай станцыі Негарэлае.

Гісторыя

Вядома з XVII стагоддзя як уладанне князёў Галоўчынскіх. У XVIII стагоддзі пры гасцінцы Узда — Шацк фарміравалася як мястэчка. У XVIII—XIX стагоддзях уласнікамі Лошы былі Заранкі, Ленскія, Завішы, Грабоўскія-Тапорчыкі. У гэты час Лоша ўваходзіла ў маёнтак Таўкачэвічы Менскага павета. З 1793 года ў Расійскай імперыі. У XIX — пачатку XX стагоддзя сяло, потым мястэчка Слабада Пырашаўскай воласці Ігуменскага павета Мінскай губерні. У 1860-я гады ў сяле дзейнічала школа, царква, сінагога. З 1924 года цэнтр сельсавета Уздзенскага раёна. Цэнтр калгаса імя Ільіча. Лясніцтва. Сярэдняя школа, дзіцячы сад, Дом культуры, бібліятэка, аддзяленне сувязі, бальніца, магазіны.

Гістарычныя і памятныя мясціны

Брацкая магіла савецкіх воінаў, помнік землякам, якія загінулі ў Вялікую Айчынную вайну. За 5 км на захад ад вёскі стаянка каменнага веку.

Дэмаграфія

• 1860 — (48 двароў)
• 1909 — 270 чал. (70 двароў)
• 1972 — 248 чал. (81 двор)
• 1997 — 166 чал. (78 двароў)
• 1999 — 167 чал. (76 двароў)

Літаратура

• Шаблюк В. У. Ло́ша // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 352. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

• На Вікісховішчы ёсць медыяфайлы па тэме Лоша (Уздзенскі раён)