Нехалсты

Вёска Нехалсты Краіна Беларусь Вобласць Брэсцкая Раён Брэсцкі Сельсавет Матыкальскі Каардынаты 52°12′31″ пн. ш. 23°32′57″ у. д. Насельніцтва 165 чал. (1999) Часавы пояс UTC+3 Тэлефонны код +375 162 Паштовыя індэксы 225033 Аўтамабільны код 1 Нехалсты на карце Беларусі ±

Нехалсты на Вікісховішчы

Нехалсты́ (трансліт.: Niechalsty, руск.: Нехолсты) — вёска ў Брэсцкім раёне Брэсцкай вобласці. Уваходзіць у склад Матыкальскага сельсавета. Размешчаны за 20 кіламетраў на поўнач ад Брэста, 2 кіламетры ад чыгуначнай станцыі Матыкалы.

Насельніцтва

• 155 жыхароў (2005)
• 53 двары, 330 жыхароў (1897)
• 445 жыхароў (у вёсцы), 42 жыхары (у маёнтку) (1905)
• 234 жыхароў, 46 двароў (1921)
• 297 жыхарош, 104 двары (1940)
• 167 жыхароў (1959)
• 252 жыхары (1970)
• 142 жыхары (1997)

Гісторыя

Паводле пісьмовых крыніц вядомы з 16 стагоддзя як сяло ў Берасцейскім старостве Берасцейскага павета ВКЛ. У 1566 годзе адносілася да Сычоўскага войтаўства. Жыхары мелі 28 валок зямлі і плацілі чынш: з 1 валокі 94 грошы.

У 19 стагоддзі вёска ў Брэсцкім павеце Гродзенскай губерні. У 1860 годзе ў складзе аднайменнага маёнтка, які належаў М.Швыкоўскаму. У 1890 годзе вёскай валодаў І.Швыкоўскі, які меў 181 дзесяціну зямлі. Сялянам Нехалстаўскага сельскагаспадарчага таварыства належалі 302 дзесяціны зямлі. У 1897 годзе працавалі хлебазапасны магазін, 2 кузні, карчма.

Паводле Рыжскага мірнага дагавора ў складзе Польшчы, у Матыкальскай гміне Брэсцкага павета Палескага ваяводства.

У 1939 годзе ў складзе БССР. У Вялікую Айчынную вайну загінулі 10 вяскоўцаў. У 1948 годзе быў арганізаваны калгас.

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Нехалсты