Ніка Краньчар

Ніка Краньчар
Агульная інфармацыя
Нарадзіўся	13 жніўня 1984(1984-08-13)[…] (40 гадоў) Заграб, Сацыялістычная Рэспубліка Харватыя, СФРЮ
Грамадзянства	Харватыя Аўстрыя
Рост	186 см
Вага	82 кг
Пазіцыя	паўабаронца
Інфармацыя пра клуб
Клуб	завяршыў кар’еру
Маладзёжныя клубы
Рапід (Вена) Дынама (Заграб)
Клубная кар’ера
2001—2004 Дынама (Заграб) 84 (19) 2004—2006 Хайдук (Спліт) 45 (12) 2006—2009 Портсмут 83 (9) 2009—2012 Тотэнхэм Хотспур 72 (11) 2012—2015 Дынама (Кіеў) 13 (4) 2013—2015 →  Куінз Парк Рэйнджэрс 54 (4) 2016 Нью-Ёрк Космас 7 (1) 2016—2018 Рэйнджэрс 16 (1)
Нацыянальная зборная
2002—2005 Харватыя (да 21) 15 (2) 2004—2014 Харватыя 81 (16)
Медыяфайлы на Вікісховішчы

Ні́ка Кра́ньчар (харв.: Niko Kranjčar; нар. 13 жніўня 1984, Заграб, СФРЮ) — харвацкі футбаліст, паўабаронца. Ігрок нацыянальнай зборнай Харватыі (2004—2014).

Кар’ера

Раннія гады

Сын былога футбаліста і трэнера харвацкай зборнай Златкі Краньчара. Ніка правёў частку свайго дзяцінства ў Вене, пакуль бацька гуляў за венскі «Рапід» да 1991 года. У 17 гадоў Ніка стаў самым маладым капітанам у гісторыі заграбскага «Дынама», аднак узімку 2005 года перайшоў у склад галоўнага суперніка «Дынама» — клуб «Хайдук» са Спліта за рэкордную для Харватыі суму ў 1,5 млн еўра. У сезоне 2004/05 у складзе «Хайдука» ён стаў чэмпіёнам Харватыі і здабыў сталае месца ў нацыянальнай зборнай.

«Портсмут»

Пасля вельмі паспяховага старту ў сезоне 2006/07 Ніка падпісаў чатырохгадовы кантракт з англійскім клубам «Портсмут».

«Тотэнхэм Хотспур»

У апошні дзень летніх трансфераў, 1 верасня 2009 года, Ніка Краньчар перайшоў з «Портсмута» ў «Тотэнхэм Хотспур». Сума ўгоды паміж клубамі склала 2,5 млн фунтаў стэрлінгаў. Пасля паспяховага сезона 2009/10, Ніка трывала асеў на лаўцы запасных каманды Гары Рэднапа і ў лістападзе 2010 года з’явілася інфармацыя, што ён і Дэвід Бентлі будуць прададзеныя ў зімовае трансфернае акно.

«Дынама» Кіеў

6 чэрвеня 2012 года Ніка Краньчар перайшоў ва ўкраінскі клуб «Дынама» з Кіева. Кантракт быў падпісаны тэрмінам на 4 гады. Кампенсацыя за пераход, паводле неафіцыйных дадзеных, склала 7 млн еўра, а гадавая заробная плата іграка — 2 мільёны.

З 2013 па 2015 год Краньчар на правах арэнды выступаў за англійскі «Куінз Парк Рэйнджэрс». У жніўні 2015 года стала вядома, што сезон 2015/16 паўабаронца пачне ў складзе «Дынама». У студзені 2016 паміж іграком і клубам было дасягнута пагадненне аб датэрміновым скасаванні кантракта.

«Нью-Ёрк Космас»

У сакавіку 2016 года перабраўся ў амерыканскую MLS, падпісаўшы кантракт з клубам «Нью-Ёрк Космас».

«Рэйнджэрс»

У чэрвені 2016 года стаў іграком шатландскага клуба «Рэйнджэрс», які праз чатыры гады вярнуў месца ў элітным дывізіёне. Аднак, за паўтары сезоны правёў толькі 16 матчаў у чэмпіянаце Шатландыі. У сакавіку 2018 года па пагадненні бакоў пакінуў «Рэйнджэрс» і завяршыў прафесійную кар’еру.

Міжнародная кар’ера

Ніка дэбютаваў у складзе нацыянальнай зборнай Харватыі 18 жніўня 2004 года ў таварыскім матчы супраць зборнай Ізраіля.

Дасягненні

«Дынама» Заграб

• Чэмпіён Харватыі: 2003
• Уладальнік Кубка Харватыі (2): 2002, 2004

«Хайдук»

• Чэмпіён Харватыі: 2005
• Уладальнік Суперкубка Харватыі: 2005

«Портсмут»

• Уладальнік Кубка Англіі: 2008

Спасылкі

• На Вікісховішчы ёсць медыяфайлы па тэме Ніка Краньчар
• Профіль на сайце transfermarkt.com (англ.)
• Статыстыка на сайце National Football Teams (англ.)
• Статыстыка на сайце footballfacts.ru (руск.)
• Профіль на сайце soccerway.com (руск.)
• Статыстыка на сайце Федэрацыі футбола Украіны (укр.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце soccerbase.com (англ.)